စင်ကာပူ UOB ဘဏ်က မြန်မာစီးပွားရေးလုပ်ငန်းများနှင့်ပတ်သက်သော ငွေ ကြေး နှင့် ဘဏ်လုပ်ငန်း အားလုံး ရပ်ဆိုင်းလိုက်ပြီး အကြမ်းဖက် စစ်အုပ်စု ကို ကမ္ဘာ့ဘဏ္ဍာရေး စနစ်အတွင်း ဝင်ရောက်ခွင့် ပိတ်ပင်
ရန်ကုန်၊ ဩဂုတ် ၁၀
စင်ကာပူနိုင်ငံမှ အဓိကဘဏ်ကြီးတစ်ခုဖြစ်သည့် United Overseas Bank- UOB ဘဏ်က မြန်မာနိုင်ငံရှိ စီးပွားရေးလုပ်ငန်းများအားလုံးနှင့် ပတ်သက် သော ငွေကြေးနှင့်ဘဏ်လုပ်ငန်းများအားလုံး ရပ်ဆိုင်း ဖြတ်တောက်ကာ မြန် မာ အကြမ်းဖက်ကစစ်အုပ်စုကို ကမ္ဘာလုံးဆိုင်ရာ ဘဏ္ဍာရေးစနစ် အတွင်း သို့ ဝင်ရောက်ခွင့်ပိတ်ပင်လိုက်ကြောင်း ဂျပန် Nikkei Asia က သတင်း ဖော် ပြ သည်။
လွန်ခဲ့သောသီတင်းပတ်အတွင်း မြန်မာဘဏ်များအားလုံးထံ ပေးပို့ခဲ့သည့် လျှို့ဝှက်အကြောင်းကြားစာတွင် United Overseas Bank က မြန်မာနိုင်ငံသို့ ငွေကြေးပေးချေမှု အပါအဝင် ငွေကြေးနှင့်ဘဏ်လုပ်ငန်းများအားလုံး ရပ်ဆိုင်း လိုက်ကြောင်း၊ မြန်မာနိုင်ငံသားများ၏ Master နှင့် Visa ဘတ်ကတ်များ အသုံးပြုခွင့်နှင့်ပတ်သက်၍ ကန့်သတ်ချက် အသစ်များ ချမှတ်လိုက်ကြောင်း၊ မြန်မာနိုင်ငံ၊ မြန်မာနိုင်ငံသားများနှင့်ပတ်သက်သော UOB ဘဏ်အကောင့် အချင်းချင်းသာ အလွှဲအပြောင်းလုပ်ခွင့်ရှိပြီး နိုင်ငံတကာသို့ ငွေသွင်း၊ ငွေထုတ်၊ ငွေပေးချေမှုများအားလုံး ရပ်ဆိုင်း ကန့်သတ်ပိတ်ပင်လိုက်ကြောင်း သိရှိရသည်။
ထို့ပြင် စင်ကာပူ UOB ဘဏ်က ဟောင်ကောင်ရှိ UOB ဘဏ်ခွဲတွင် မြန်မာ ဘဏ် များ က နိုင်ငံခြားငွေများ ထားရှိ သိမ်းဆည်းထားရန် ဖွင့်လှစ်ထားသော Nostro ဘဏ်ငွေစာရ်ငးအကောင့်များကိုလည်း ပိတ်ပင်မည်ဖြစ်ကြောင်း ကြေညာသည်။
စင်ကာပူ UOB ဘဏ်သည် မြန်မာနိုင်ငံမှ စစ်ဗိုလ်ချုပ်ကြီးများ၊ ကော်ပိုရေးရှင်း ကြီးများနှင့် ချမ်းသာသော ပုဂ္ဂိုလ်များအပြင် နိုင်ငံတကာ အဖွဲ့အစည်းများနှင့် နိုင်ငံခြား ရင်းနှီးမြှုပ်နှံသူများ အထူးသဖြင့် စင်္ကာပူမှ မြန်မာလုပ်ငန်းများကို လည်ပတ်လုပ်ကိုင်သော သူများအတွက် ရွေးချယ်စရာ ပြည်ပဘဏ်အဖြစ် လူသိများခဲ့သော ဘဏ်ဖြစ်သည်။
မြန်မာစစ်တပ်အတွက် ဝန်ဆောင်မှုပေးနေသော ပြည်ပ ဘဏ်လုပ်ငန်းနှင့် ဘဏ္ဍာ ရေးဝန်ဆောင်မှုများကို တားဆီးရန် စင်ကာပူအပေါ် အမေရိကန်၏ ဖိအား ပေးမှုကို တုံ့ပြန်သည့်အနေဖြင့် ယင်းသို့ ပိတ်ပင်မှုများဖြစ်ပေါ် လာခြင်း ဖြစ် ကြောင်း သိရှိရသည်။
လာမည့် စက်တင်ဘာလ ၁ ရက်နေ့မှစတင်၍ UOB ဘဏ်က ထိုသို့ အရေးယူ ပိတ်ပင်မှုများ လုပ်ဆောင်မည်ဖြစ်ပြီ အမေရိကန်၊ ယူရိုနှင့် စင်ကာပူဒေါ်လာ စသည့် အဓိက ငွေကြေးများဖြင့် ငွေကြေးလွှဲပြောင်းမှုဆိုင်ရာ ပိတ်ပင်မှုများ အသက်ဝင် မည်ဖြစ်ကြောင်း သိရှိရသည်။
UOB ၏ ဆုံးဖြတ်ချက်သည် အမေရိကန်၏ ဖိအားပေးမှု၊ အနောက်နိုင်ငံများ၏ ပိတ်ဆို့အရေးယူမှုများကြောင့် မြန်မာနိုင်ငံနှင့် ဆက်နွှယ်သည့် ကုန်သွယ်မှု များကို အရေးယူရန် နိုင်ငံတကာ တောင်းဆိုမှုများ ကြီးထွားလာနေခြင်းကြောင့် ဖြစ်ကြောင်း၊ UOB သည် ၁၉၉၄ ခုနှစ်တွင် ရန်ကုန်မြို့၌ ကိုယ်စားလှယ်ရုံး ဖွင့်လှစ်ခဲ့ပြီး ၂၀၁၄ ခုနှစ်တွင်ဘဏ်လုပ်ငန်းလိုင်စင်ရရှိသည့် ပထမဆုံးသော နိုင်ငံခြားဘဏ်များထဲတွင် ပါဝင်ခဲ့ကြောင်း၊ UOB သည် ၎င်း၏ ပထမဆုံး ရန်ကုန်ရုံးခွဲကို ၂၀၁၅ ခုနှစ်တွင် ဖွင့်လှစ်ခဲ့ကြောင်း သိရှိရသည်။။
UOB သည် မြန်မာကုမ္ပဏီများ၊ စစ်ဘက်အဖွဲ့အစည်းများနှင့် ချမ်းသာသော ပုဂ္ဂိုလ်များနှင့်အတူ ဘဏ်လုပ်ငန်းဆိုင်ရာ စီးပွားရေးလုပ်ငန်း၊ ၊ နိုင်ငံခြား ကုန် သွယ်မှုဘဏ် (MFTB) နှင့် မြန်မာ့ရင်းနှီးမြှုပ်နှံမှုနှင့် ကူးသန်း ရောင်းဝယ် ရေးဘဏ် (MICB) အပါအဝင် စစ်တပ်လက်အောက်ခံ မြန်မာ့ဘဏ်အများစု၏ အဓိက ကြားခံဖြစ်လာခဲ့ကြောင်း ၊ လက်ရှိ UOB ၏ ဆုံးဖြတ်သည် အကျိုးသက် ရောက်မှုသည် ကြီးမားမည်ဖြစ်ကြောင်း သိရှိရသည်။
UOB ဘဏ်က မြန်မာအပြည်ပြည်ဆိုင်ရာ လေကြောင်းလိုင်း MAI ၏ ဘဏ်အကောင့် များကို ယခုဩဂုတ်လအတွင်း အပြီးပိတ်သိမ်းမည်ဖြစ်ကြောင်း တရားဝင် အသိပေးခဲ့ပြီးဖြစ်သည်။
မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် Tom Andrews ၏ မေလ အစီရင်ခံစာတွင် စင်ကာပူနိုင်ငံသည် ဒေါ်လာ ၂၅၄ သန်းတန်ဖိုးရှိ လက်နက်နှင့် ဆက်စပ်ပစ္စည်းများ ကုန်သွယ်မှုနှင့် ဆက်စပ်နေကြောင်း၊ လက်နက်လွှဲပြောင်းမှုများအတွက် ဒေါ်လာသန်းရာနှင့်ချီသော ငွေပေးချေ မှုများကို ရွှေ့ပြောင်းရန်အတွက် စင်္ကာပူဘဏ်များကို လက်နက် ရောင်းဝယ် မှုအတွက် “ကျယ်ကျယ်ပြန့်ပြန့်အသုံးပြုခဲ့သည်”ဟု တရားဝင် ဖော်ပြသည်။
ယမန်နှစ် အောက်တိုဘာလတွင် ပါရီအခြေစိုက် နိုင်ငံတကာစောင့်ကြည့်ရေး အဖွဲ့အစည်းတစ်ခုဖြစ်သည့် Financial Action Task Force သည် မြောက် ကိုရီး ယားနှင့် အီရန်တို့နှင့်အတူ ငွေကြေးခဝါချမှုနှင့် အကြမ်းဖက်ငွေကြေး ထောက် ပံ့မှု တိုက်ဖျက်ရေးတွင် မြန်မာနိုင်ငံကို ၎င်း၏အမည်ပျက်စာရင်းတွင် ထည့်သွင်းခဲ့သည်။
အလားတူ စင်ကာပူရှိ ဘဏ်ကြီးများဖြစ်သည့် OCBC နှင့် DBS တို့ကလည်း မြန်မာနိုင်ငံနှင့် အလားတူလုပ်ဆောင်ရန် ကြိုးပမ်းနေကြပြီး OCBC ၏ ပြောရေးဆိုခွင့်ရှိသူက မှတ်ချက်ပေးရန် ငြင်းဆိုသော်လည်း OCBC သည် ယင်းကဲ့သို့ လုပ်ဆောင်ရန် ပြင်ဆင်နေကြောင်း သိရှိရသည်။
ဓာတ်ပုံ- အကြမ်းဖက် မင်းအောင်လှိုင်နှင့် မြန်မာခရိုနီစီးပွားရေးသမားတချို့။
