Khit Thit သတင်းဌာန၏ စက်တင်ဘာ ၁၅ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ စက်တင်ဘာ ၁၅ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
– စစ်တပ်ထုတ်ကုန် မြန်မာဘီယာ နဲ့ စားသောက်ကုန်၊ ပစ္စည်းတွေကို တစ်နိုင်ငံလုံးမှာ ပြန်လည် ရောင်းချ နိုင် ရေးအတွက် အကြမ်းဖက် စစ်ကောင်စီရဲ့ ပြည်ထဲရေးဝန်ကြီး ဒုဗိုလ်ချုပ်ကြီး ရာပြည့် ကိုယ်တိုင် ဦးဆောင် လုပ်နေပြီး လျှို့ဝှက် ညွှန်ကြားချက်ထုတ်ပြန်ထားတယ်လို့ ပြည်ထဲရေး ဖရဲသီးသတင်းရင်းမြစ်က ပြောပါတယ်။
– အကြမ်းဖက် စစ်ကောင်စီ လက်အောက်ခံ ဗဟိုဘဏ်ဥက္ကဋ္ဌ အပါအဝင် ဗဟိုဘဏ် ဝန်ထမ်း ၄၄ ဦးကို အကြမ်း ဖက်သမားများ အဖြစ် အမျိုးသားညီညွတ်ရေးအစိုးရ NUG ကနေ ကြေညာလိုက်ပြီး အကြမ်းဖက်မှု တိုက်ဖျက်ရေးဥပဒေနဲ့ အရေးယူသွားမှာဖြစ်တယ်လို့ တရားဝင် ထုတ်ပြန်ကြေညာလိုက်ပါတယ်။
– ကချင်ပြည်နယ်၊ မိုးကောင်းမြို့မှာရှိတဲ့ စင်ရော် စက်သုံးဆီပိုင်ရှင် ဒေါ်ခင်မာရွှေကို PDF ထောက်ပံ့ တယ်ဆို တဲ့ စွပ်စွဲချက်နဲ့ အကြမ်းဖက် စစ်တပ်ရဲ့ မိုးကောင်းမြို့အခြေစိုက် အမှတ် ၃ ခြေလျင် တပ်မဟာ ဗိုလ်မှူးနဲ့ အဖွဲ့က ရိုက်နှက်သတ်ဖြတ်လိုက်တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
