By ရန်ကုန်ခေတ်သစ်
ဒီကနေ့ မတ်လ ၁၉ ရက် မနက်ပိုင်းရရှိထားတဲ့ သတင်းတွေကတော့
-မကွေးတိုင်း နတ်မောက်မြို့နယ် သပွတ်ပင်ရွာမှာ အကြမ်းဖက် စစ်ကောင်စီ တပ်ဖွဲ့တွေက ၅ရက် ဆက်တိုက် တပ်စွဲ နေထိုင်ကာ ပြည်သူပိုင် နေအိမ် ၇လုံးကို ဖျက်ဆီးကာ ပစ္စည်းတွေကို ခိုးယူ လုယက်သွားတယ်လို့ ဒေသခံတွေက ရန်ကုန် ခေတ်သစ် ပြောပြပါတယ်။
-ရန်ကုန်တိုင်း၊ ခရမ်းမြို့နယ်၊ မြို့မ ရဲစခန်း၊ လျှပ်စစ်ရုံးနှင့်သစ်တောဂိတ်ကို ၄၀ မမ ဗုံးသီးလက်နက်နဲ့ တိုက်ခိုက်ခဲ့တယ်လို့ ခရမ်း PDF က သတင်းထုတ်ပြန်ပါတယ်။
ကရင်နီပြည်သူ့ရင်ခွင်အဖွဲ့ဆီကို အလင်းဝင်ပူးပေါင်းလာတဲ့ CDM စစ်သားတွေကို စုစည်းပြီး အကြမ်းဖက် စစ်ကောင်စီတပ်ကို ပြန်လည်တိုက်ခိုက်သွားဖို့ ပြင်ဆင်နေတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
