ရန်ကုန်၊ မတ် ၂၆
သြစတြေးလျနိုင်ငံ၊ မဲလ်ဘုန်းမြို့ရှိမြန်မာမိသားစုများစုပေါင်းပြီး မဲလ်ဘုန်းမြို့ ဗစ်တိုးရီးယားပြည်နယ်စာကြည့် တိုက်ရှေ့တွင် မြန်မာနိုင်ငံမှ စစ်အာဏာသိမ်းမှုကိုဆန့်ကျင် ဆန္ဒပြပွဲတခုကို ယနေ့ မွန်းလွဲ ၂နာရီတွင် ပြုလုပ်ခဲ့သည်။
ထိုဆန္ဒပြပွဲကိုမဲလ်ဘုန်းမြို့တွင် နေထိုင်နေကြသည့် အာဏာရှင်ဆန့်ကျင်ရေးအင်အားစုများ၊ကျောင်းသူကျောင်းသားများကစီစဉ်ခဲ့ကြပြီး ဩစတေးလျနိုင်ငံအထက်လွှတ်တော်အမတ်၊ ဂရင်းပါတီမှ မစ္စ ဂျဲနက်ရိုက်စ်၊ ဗစ်တိုးရီးယားပြည်နယ်လွှတ်တော်အမတ် ကမ္ဘော ဒီးယားလူမျိုးမစ္စတာမန်းဟောင်းတတ်နှင့် ဩစတေးလျမြန်မာအင်စတီကျု နှင့် မြန်မာကမ်ပိန်းနက်ဝပ်မှမစ္စတာ ဂျွန်ဘရူကယ်တို့က တက်ရောက်အမှာစကားပြောကြားကြသည်။
