ပြည်ထောင်စုဝန်ကြီးဒေါ်ဇင်မာအောင်နှင့် လစ်သူယေးနီးယား နိုင်ငံလွှတ်တော်ကိုယ်စားလှယ်များ တွေ့ဆုံ
ရန်ကုန်၊ နိုဝင်ဘာ ၉
လစ်သူရေးနီးယားနိုင်ငံ လွှတ်တော်တွင် နိုဝင်ဘာ ၈ ရက်ေန့တွင် ပြည်ထောင်စုသမ္မတ မြန်မာနိုင်ငံတော်၊ အမျိုးသားညီညွတ်ရေးအစိုးရ၊ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဒေါ်ဇင်မာအောင်နှင့် တိုင်းရင်းသားမဟာမိတ်အဖွဲ့များ၊ ကိုယ်စားလှယ်များမှ လစ်သူရေးနီးယားနိုင်ငံ လွှတ်တော် အမတ်များနှင့် တွေ့ဆုံခဲ့ကြောင်း သိရှိရသည်။
လစ်သူယေးနီးယားနိုင်ငံအနေနှင့် အာဏာသိမ်းစစ်ကောင်စီကို ဆန့်ကျင်သည့် တော်လှန်ရေးနှင့် ဒီမိုကရေစီနိုင်ငံတော်အတွက် မြန်မာပြည်သူများ၏ တိုက်ပွဲဝင်မှုကို ထောက်ခံရပ်တည်နေကြောင်း လစ်သူရေးနီးယားနိုင်ငံ လွှတ်တော် အမတ်များက ပြောကြားခဲ့ပြီး နှစ်နိုင်ငံ ဒီမိုကရေစီအရေးပိုမိုတိုးမြှင့် ပူးပေါင်းဆောင်ရွက်နိုင်ရေး၊ အကြမ်းဖက်စစ်အုပ်စုအား ထိရောက်စွာ ဖိအားပေးနိုင်ရေးကိစ္စရပ်များကို အပြန်အလှန်ဆွေးနွေးခဲ့ကြကြောင်း သိရှိရသည်။
