ရန်ကုန်၊ မတ် ၂၆
ချင်းပြည်နယ်၊ မင်းတပ်မြို့အခြေစိုက် အကြမ်းဖက်စစ်ကောင်စီ၏ ခလရ (၂၇၄) တပ်ရင်းမှ လက်နက်နှင့်အတူ အလင်းဝင်လာသော စစ်သားကို CDF – မင်းတပ်က နွေးထွေးစွာကြိုဆိုပြီး ဆုကြေးငွေ သိန်း (၅၀) ကျပ် ချီးမြှင့်ခဲ့ကြောင်း သိရှိရသည်။
ခလရ (၂၇၄) မှ တပ်သား ၁ ဦးသည် MA1 သေနတ် ၁ လက်၊ ကျည်ကတ် ၄ ခု၊ ကျည်ဆံ ၂၁၆ တောင့်နှင့် အတူ မတ်လ ၂၄ ရက် မွန်းလွဲပိုင်းတွင် တပ်ရင်းကို စွန့်ခွာလာခဲ့ပြီး မတ်လ ၂၅ ရက်တွင် CDF – မင်းတပ်ထံ အလင်းဝင်ရောက်ရှိလာကြောင်း CDF – မင်းတပ် ပြောခွင့်ရ ဆလိုင်းဟာအွမ်က ရန်ကုန်ခေတ်သစ်သတင်းဌာနသို့ ပြောဆိုသည်။
အဆိုပါ CDM တပ်သားသည် ဆုကြေးငွေ သိန်း (၅၀) ကျပ်မှာ ၁၅ သိန်းကို တော်လှန်ရေးတွင် အသုံးပြုရန် CDF – မင်းတပ်ထံ ပြန်လည်လှူဒါန်းသွားကြောင်း CDF – မင်းတပ်က သတင်းထုတ်ပြန်သည်။
