ကရင်နီပြည်နယ်၊ လွိုင်ကော်မြို့ရှိ ပြည်နယ်ရဲဌာနချုပ် ကို တော်လှန်ရေးတပ်များ သိမ်းပိုက်
ရန်ကုန်၊ ဒီဇင်ဘာ ၁၀
ကရင်နီပြည်နယ်၊ လွိုင်ကော်မြို့ရှိ ပြည်နယ်ရဲဌာနချုပ်ကို KNDF ဦးဆောင်သော တော်လှန်ရေးတပ်က သိမ်းပိုက်လိုက်ကြောင်း Progressive Karenni People Force – PKPF သတင်းနှင့်ပြန်ကြားရေးဗျူရိုက သတင်းထုတ်ပြန်သည်။
“မနေ့ညက သိမ်းတာပါ။ လေယာဉ်တွေနဲ့ တောက်လျှောက် ဗုံးကျဲနေလို့ အခုငြိမ်သွားမှ သတင်းထုတ်ပြန်ကြတာ” ဟု ကရင်နီတော်လှန်ရေးတပ်နှင့် အတူရှိနေသော သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
ပြည်နယ်ရဲဌာနချုပ်ကို သိမ်းပိုက်ရရှိမှုတွင် လက်နက်ခဲယမ်းတချို့၊ ရဲဆိုင်ကယ်၊ ရဲကားများနှင့် အဓိကရုဏ်းနှိမ်နင်းရေးကားများ ပါ သိမ်းဆည်းရရှိကြောင်း သိရှိရပြီး တရားဝင် သတင်းထုတ်ပြန်မည်ဖြစ်ကြောင်း သိရှိရသည်။
![Pinterest](https://pinterest.com/pin/create/button/?url=https://yktnews.com/2023/12/135291/&media=https://yktnews.com/wp-content/uploads/2023/12/406478529_713249707569305_8477669831428755409_n.jpg&description="မနေ့ညက သိမ်းတာပါ။ လေယာဉ်တွေနဲ့ တောက်လျှောက် ဗုံးကျဲနေလို့ အခုငြိမ်သွားမှ သတင်းထုတ်ပြန်ကြတာ" ဟု ကရင်နီတော်လှန်ရေးတပ်နှင့် အတူရှိနေသော){kind=link}