By ရန်ကုန်ခေတ်သစ်
ဒီကနေ့ ဧပြီ ၇ ရက် မနက်ပိုင်း ရရှိထားတဲ့သတင်းတွေကတော့
– ကယားပြည်နယ် လွိုင်ကော်မြို့ ပဒါးညေးကျေးရွာမှာ ဧပြီလ ၆ ရက်နေ့ ညနေ ၃နာရီအချိန်လောက်က အကြမ်းဖက် စစ်တပ်က ပစ်ခတ်လိုက်တဲ့ လက်နက်ကြီးကျည်ကျရာက်ပြီး ဒေသခံနှစ်ဦး ပွဲချင်းပြီးသေဆုံးကာ ၄ဦး ဒဏ်ရာရခဲ့တယ်လို့ ဒေသခံတွေကပြောပါတယ်။
-အကြမ်းဖက်စစ်တပ်က အာဏာသိမ်းပြီးနောက် အရပ်သားပြည်သူတွေကို သတ်ဖြတ်လျက်ရှိရာမှာ ဧပြီ ၅ ရက်နေ့အထိ စာရင်းတွေအရ ကျဆုံးခဲ့ရသူ ၁၇၃၀ ဦးအထိ ရှိပြီဖြစ်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)က ထုတ်ပြန်လိုက်ပါတယ်။
-မြိုင်မြို့နယ်ကျေးရွာများတော်လှန်ရေးတပ်ဦး(MVRF) – တပ်ခွဲ(၁)ရဲ့ ကာကွယ်စောင့်ရှောက်မှုနဲ့ ပြည်သူတွေဟာ စစ်အာဏာရှင်ပြုတ်ကျရေးအတွက် ချီတက်ဆန္ဒပြတဲ့ သတင်း အပါအဝင် နောက်ဆုံးရသတင်းတွေကို တင်ဆက်ပေးပါမယ်။
