By ရန်ကုန်ခေတ်သစ်
ဒီကနေ့ မေ ၉ ရက် ညနေပိုင်း ရရှိထားတဲ့သတင်းတွေကတော့
-ဖက်ဒရယ်ဒီမိုကရေစီ ပဋိညာဉ်အရ ဖက်ဒရယ်ပြည်ထောင်စု ဖွဲ့စည်းပုံ အခြေခံဥပဒေအသစ်ကို ရေးဆွဲတော့မှာဖြစ်တယ်လို့ KNU ဗဟိုအလုပ် အမှုဆောင် ပဒိုစောတောနီးက ပြောပါတယ်။
– ဒီပဲယင်းမြို့နယ်၊ စိုင်ပြင်မြို့က အကြမ်းဖက်စစ်ကောင်စီ လက်အောက်ခံရဲစခန်းကို ဒရုန်းနဲ့ဗုံးကျဲတိုက်ခိုက်လိုက်ပါတယ်။
– စစ်ကိုင်းတိုင်း၊ မင်းကင်းမြို့နယ်၊ အထက်စသာကျေးရွာဘက်ကို စစ်ကြောင်းထိုးလာတဲ့ အကြမ်းဖက် စစ်သားတွေနဲ့ ပျူစောထီး ပူးပေါင်းအဖွဲ့ တိုက်ခိုက်ခံရပြီး စစ်ကောင်စီတပ်သား ၆ ဦး ၊ ပျူစောထီး ၄ ဦး သေဆုံးတဲ့အပြင် ၊ ၁၁ ဦးဒဏ်ရာ ရသွားတယ်လို့ သိရပါတယ်။
– စစ်ကောင်စီယာဉ်တန်းကို ချင်းဒေသကာကွယ်ရေးတပ်ဖွဲ့ CDF မင်းတပ်က ကြားဖြတ်တိုက်ခိုက်မှုတွေ ပြုလုပ်ခဲ့ပြီး မေလ ၇ ရက်နေ့နဲ့ ၈ ရက်နေ့တွေမှာ စစ်ကောင်စီတပ်သား ၇ ဦးထက်မနည်း သေဆုံးတဲ့ အပြင်၊ အများအပြား ဒဏ်ရာရပြီး စစ်ကားအချို့ ပါ ပျက်စီးသွားတဲ့သတင်းအပါ အဝင်နောက်ဆုံးရ သတင်းတွေကို တင်ဆက်ပေးပါမယ်။
