ရန်ကုန်၊ မေ ၁၁
မန္တလေးတိုင်း၊ပြည်ကြီးတံခွန်မြို့နယ်၊ရဲဘော်ကွက်သစ်ရပ်ကွက်တွင်အကြမ်းဖက် စစ်ကောင်စီတပ်ဖွဲ့ဝင်များနှင့် ရဲများ စုပေါင်းကာ ယနေ့ မေ ၁၁ ရက် နံနက် ၉ နာရီမှ စတင်ကာ ပြည်သူများ နေအိမ်ကို ဖျက်နေကြောင်း ဒေသခံများထံမှ သတင်းရရှိသည်။
“ဖြစ်တဲ့ကိစ္စက တာဝါတိုင်နဲ့မလွတ်ဘူးဆိုပြီးဖျက်တာဗျ။ အခုကလွတ်တဲ့ အိမ်တွေပါ လိုက်ဖျက်တာ။ ပြီးတော့အရင်ကလည်းဖျက်ပြီးပြီဗျ။ ဂရန်ရှိတဲ့ အိမ်တွေလည်း ပါတယ်။ ပျဉ်ထောင်အိမ်တွေရော တိုက်အိမ်တွေရော ” ဟု ဒေသခံတစ်ဦးက ပြောကြားသည်။
လမ်းဖောက်မည်ဟု အကြောင်းကြားထားသော်လည်း အိမ်များဖျက်မည်ဟု ကြိုမသိရကြောင်း၊ နံနက် ၇ နာရီ ၃၀ ရောက်ချိန်မှ သိရှိရ၍ ပစ္စည်းများ အမြန်သိမ်းဆည်းရကြောင်း ၊ ပေ ၅၀ ကို ၇၅ ပေ အထိ ခိုးကာ အဖျက်ခံနေရကြောင်း အိမ်ဖျက်ခံရသူများထံမှ သိရှိရသည်။
