ကလေးခရိုင်ပြည်သူ့ကာကွယ်ရေးအဖွဲ့၏ ၃ နှစ်ပြည့် အခမ်းအနား ပြုလုပ်
ကလေးခရိုင်ပြည်သူ့ကာကွယ်ရေး ရုံးအဖွဲ့ တာဝန်ခံအသီးသီးနှင့် ပကဖရုံး လက်ရုံးတပ်ဖွဲ့များစုပေါင်း၍ ပကဖ ၃ နှစ်ပြည့်အခန်းအနားပွဲကို ယနေ့ နိုဝင်ဘာလ ၂၀ ရက်နေ့တွင် ပြုလုပ်ခဲ့ကြကြောင်း သိရှိရသည်။
အဆိုပါပွဲတွင် နိုင်ငံတော်အလံအလေးပြုခြင်းအခန်းအနား၊ ဗိုလ်ချုပ်အောင်ဆန်းနှင့်တကွ ကျဆုံးလေပြီးသော အာဇာနည်သူရဲကောင်းများ ၊နွေဦးတော်လှန်ရေးတွင် ကျဆုံးခဲ့ရသော တော်လှန်ရေးရဲဘော်များအား ဦးညွှတ်အလေးပြုခြင်း၊ တော်လှန်ရေးအစိုးရ လက်အောက်တွင် စစ်အာဏာရှင်တော်လှန်ရေး ပြီးဆုံးသည်အထိ တော်လှန်ရေးရဲဘော်အားလုံးနှင့်အတူ တိုက်ပွဲဝင်သွားမည်ဟု သစ္စာဓိဋ္ဌာန်ပြုခြင်းတို့ လုပ်ဆောင်ခဲ့ကြကြောင်းသိရှိရသည်။
