ရန်ကုန်၊ နိုဝင်ဘာ ၂၆
ကရင်ပြည်နယ်၊ ဖာပွန်မြို့နယ်၊ မထောအကြမ်းဖက်စစ်တပ်စခန်းမှ ထွက်ပြေးသွားသော အကြမ်း ဖက်စစ်သားများကို လိုက်လံတိုက်ခိုက်ရာ စစ်သား ၁၀ ဦးသေဆုံးပြီး လက်နက်ခဲယမ်းများ သိမ်းဆည်းရရှိခဲ့ ကြောင်း KNU တပ်မဟာ ၅ ၊မူတြော်သတင်းစဉ်က ထုတ်ပြန်သည်။
နိုဝင်ဘာလ ၂၂ ရက်နေ့ ဖာပွန်မြို့နယ် အခြေစိုက် အကြမ်းဖက်စစ်ကောင်စီ၏ စကခ ၈ လက်အောက် ခံ ခမရ ၄၀၄ ၊ ၄၀၇ နှင့် ၄၀၈ တပ်ရင်းတို့ ပူးပေါင်းအထိုင်ချထားသည့် မထောစခန်းကို KNLAနှင့် မဟာမိတ်တပ်များက အပြီးသတ် တိုက်ခိုက်သိမ်းပိုက်ခဲ့ကြောင်း၊ ယင်းတပ်စခန်းမှ စစ်သားများသည် တောင်ဘက်ရှိ ၎င်းတို့ တပ်စခန်းရှိရာ ကစယ်သဲ ဖလယ် (တောင်းသုံးလုံး)နှင့်ထွီသီးအူ(ခွေးသေ)သို့ တပ်ဆုတ်ထွက်ပြေးရာ လမ်းခုလတ်တွင် တော်လှန်ရေးပူးပေါင်းတပ်ဖွဲ့များက အဆင့်ဆင့်ဖြတ်တောက်တိုက်ခိုက်ခဲ့ရာ အကြမ်းဖက် စစ်ကောင်စီ တပ်သား ၁၀ ဦး ထပ်မံသေဆုံးပြီး ၂၀ ဦးခန့် ဒဏ်ရာရရှိကြောင်း သိရှိရသည်။
စစ်ကောင်စီတပ်များကို ကြားဖြတ်တိုက်ခိုက်ခဲ့သည့် တိုက်ပွဲနှစ်ကြိမ်အတွင်း အကြမ်းဖက်စစ်သားများ အသုံးပြုသော RPG-7 အမျိုးအစား သေ နတ် ၁ လက် ၊ ၎င်းကျည်ဖူး ၃၈ လုံး၊ ၈၁ မမ လက်နက်ကြီး ၁ လက် ၊ ၎င်းကျည် ၆ လုံး၊ MA-1 အမျိုးအစား သေနတ် ၉ လက်၊ MA-2 အမျိုးအစား သေနတ် ၄ လက်၊ MA-3 အမျိုးအစား သေနတ် ၄ လက်၊ MA-4 အမျိုးအစား သေနတ် ၂ လက်၊ ငါးမြီးစက်လတ် ၁ လက်၊ ၆ ၀မမ ပြောင်းရှည် ၂ လက်၊ ၆၀ မမ ပြောင်းတို ၂ လက်၊ ရှေ့ထွက်မြေမြှုပ်မိုင်း ၃ လုံး၊ ၆၀ မမ ကျည် ၁၂၃ လုံး၊ G-3 ကျည် ၆၀၀၀ တောင့်၊ ဟွန်ဒါမီးစက် ၁ လုံး၊ ခွင်းဗုံး ၅၃ လုံး၊ ဆက်သွယ်ရေးစကားပြောစက်ကြီးတစ်လုံးနှင့် စားသုံး ဆီ ၂ ပုလင်းတို့ကို သိမ်းဆည်းရရှိခဲ့ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
