စစ်ကိုင်းမှ မင်းကွန်းရဲစခန်းသို့ထွက်လာသည့် ပျူကားကို ပစ်ခတ်တိုက်ခိုက်မှု ပျူစောထီး ၂ ဦးသေဆုံး ၊ စစ်ကိုင်းမြို့နေ စစ်တပ်အမာခံ ငမျိုးကို ပစ်ခတ်ခံရပြီးသေဆုံး
စစ်ကိုင်းတိုင်း၊ စစ်ကိုင်းမြို့မှ မင်းကွန်းရဲစခန်းသို့ ထွက်လာသည့် ပျူစောထီးကားကို ပစ်ခတ်တိုက် ခိုက်မှုကို ပျူစောထီး ၂ ဦးသေဆုံးခဲ့ကြောင်း ယူနီကွန်းပျောက်ကြားတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ဒီဇင်ဘာလ ၂၀ ရက် ညနေ ၆ နာရီခန့်က စစ်ကိုင်းမြို့မှ မင်းကွန်းရဲစခန်းသို့ ထွက်လာသည့် ပျူစော ထီးကားကို စစ်ကိုင်း -မင်းကွန်းလမ်းပိုင်းတနေရာတွင် ကြားဖြတ်ပစ်ခတ်တိုက်ခိုက်ခဲ့ရာ ပျူစောထီး ၂ ဦး သေဆုံးကာ ၁ ဦးထိခိုက်ဒဏ်ရာရရှိခဲ့ကြောင်း၊ ပစ်ခတ်တိုက်ခိုက်ခံရသည့်ကားမှာ စုတ်ပြတ်သတ် သွားသော်လည်း မင်းကွန်းရဲစခန်းအထိ အရှိန်ဖြင့်မောင်းနှင်သွားကြောင်း သိရသည်။
“စစ်ကိုင်းကနေ မင်းကွန်းဘက်ထွက်လာတာပါ။ ဘီယာဆိုင်ကနေ ပြန်လာတာလို့ သိရတယ်။ ပါတာ က ၄ ယောက်ပါတာ။ ၂ ယောက်သေ၊ တစ်ယောက်ဒဏ်ရာရတယ်လို့ သတင်းရထားပါတယ်။ အရှိန် နဲ့မောင်းလာတာတဲ့ ကားကို ပစ်ခတ်တိုက်ခိုက်တာဆိုတော့ ကားဘီးတွေပေါက်၊ တစ်စီးလုံး စုတ် ပြတ်သွားပေမယ့် မင်းကွန်းရဲစခန်းအထိ အရောက်မောင်းသွားပါတယ်။ ရဲစခန်းနဲ့ကလည်း သိပ်မဝေး တော့။ ပစ်ခတ်မှုဖြစ်ပြီးနောက်ပိုင်း ရဲစခန်းနားမှာတော့ စစ်ဆေးတာတွေလုပ်ပါတယ်။ ပစ်ခတ်မှုဖြစ် တဲ့အနားတော့ မလာရဲဘူး” ဟု ယူနီကွန်းပျောက်ကြားတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။
အဆိုပါ တိုက်ခိုက်မှုကို Road to Mandalay (RTM) ၏ ပထမဆုံးမစ်ရှင်အဖြစ် Road To Mandalay မဟာမိတ်အဖွဲ့များက တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Road To Mandalay အဖွဲ့သားများ အနေဖြင့် မန္တလေးမြို့အနီးတဝိုက်တွင် ပျောက်ကြားမစ်ရှင်များ ဆက်တိုက်ဖော်ဆောင်သွားမည်ဖြစ်ပြီး မိဘပြည်သူများ အနေဖြင့်လည်း အကြမ်းဖက်စစ်သားများ၊ စစ်ကောင်စီဘက်တော်သားများနှင့် ယာဉ်များအနီးတွင် နီးကပ်စွာနေထိုင်သွားလာခြင်းမပြုကြရန် အသိပေးထာသည်။
အလားတူ စစ်ကိုင်းမြို့နေ အကြမ်းဖက်စစ်ကောင်စီအတွက် အလုပ်လုပ်ပေးနေသူ ပြည်ကြီးတံခွန် ငမျိုးကို ပစ်ခတ် ရှင်းလင်းခဲ့ရာ သေဆုံးသွားကြောင်း အရှေ့တောကျား MDY တပ်ဖွဲ့မှ တာဝန်ရှိသူ တစ်ဦးက ရန်ကုန် ခေတ်သစ်သတင်းဌာနထံသို့ ပြောကြားသည်။
ဒီဇင်ဘာလ ၁၉ ရက် ညနေ ၅ နာရီခန့်က စစ်ကိုင်းမြို့တွင်နေထိုင်သူ အကြမ်းဖက်စစ်ကောင်စီဘက် တော်သား ပြည်ကြီးတံခွန် ငမျိုးကို အရှေ့တောကျား MDY ရဲဘော်များက အနီးကပ်ပစ်ခတ်ရှင်းလင်း ခဲ့ရာ သေဆုံးသွားကြောင်း သိရသည်။
သေဆုံးသူ ပြည်ကြီးတံခွန် ငမျိုးသည် အကြမ်းဖက်စစ်တပ်ထံ သတင်းများပေးခြင်း၊ ၂၀၂၂ ခုနှစ်က မန္တလေးအနီရောင်စစ်ဆင်ရေးအဖွဲ့တွင်ပါကာ NLD မန္တလေးနာယက ဦကိုလေး၏ ဇနီးကို ရက်စက် စွာသတ်ဖြတ်မှုတွင်ပါဝင်ခြင်း၊ မန္တလေး UG အဖွဲ့ နဂါးလေးကို ဖမ်းဆီးရာတွင် ပါဝင်ခြင်း၊ မန္တလေး PDF တပ်ဖွဲ့ဝင် ကိုတာယာနှင့် PDF ရဲမေ ဝတ်ရည်ချိုတို့ကို သတင်းပေးတိုင်တန်းခြင်း စသည့် ပြစ်မှု များ ကျူးလွန်ခဲ့သူဖြစ်ကြောင်း သိရသည်။
အရှေ့တောကျား MDY အဖွဲ့သားများ အနေဖြင့် အကြမ်းဖက်စစ်ကောင်စီ ထောက်တိုင်များကို အလျဉ်းသင့်သလို အပြစ်ပေးရှင်းလင်းသွားမည်ဖြစ်ကြောင်း အသိပေးထားသည်။
ဓာတ်ပုံ- ယူနီကွန်းပျောက်ကြားတပ်ဖွဲ့မှ တော်လှန်ရေးရဲဘော်များ။
