ပေါက်မြို့နယ်၊ ယာကြီးပြင်ရွာအနီး မိုင်းခွဲတိုက်ခိုက်မှု ပျူခေါင်းဆောင် ဆန်းဝင်း၏ ဇနီး သေဆုံးပြီး ပျူစောထီး ၁ ဦး ခြေနှစ်ဖက် ပြတ်ထွက်
မကွေးတိုင်း၊ ပေါက်မြို့နယ်၊ ယာကြီးပြင်ကျေးရွာအနီး မိုင်းခွဲတိုက်ခိုက်မှုတွင် ပျူစော ထီးခေါင်းဆောင် ဆန်းဝင်း၏ ဇနီးဖြစ်သူ သေဆုံးပြီး ပျူစောထီး ၁ ဦးခြေထောက် နှစ်ဖက် ဖြတ်လိုက် ရကြောင်း ဆိပ်ဖြူတကိုယ်တော် ကျားဇိုးက ရန်ကုန်ခေတ်သစ်သတင်းဌာနထံသို့ ပြောကြားသည်။
ဇန်နဝါရီလ ၂၈ ရက်နေ့ နံနက် ၁၀ နာရီ ၄၅ မိနစ်အချိန် ပေါက်မြို့နယ် ၊ ယာကြီးပြင် ပျူစောထီး ကျေးရွာ အနီးအထိ ချဉ်းကပ်ဝင်ရောက်ကာ အကြမ်းဖက်စစ်တပ်လက်အောက်ခံ ပျူစောထီးများ သွားလာ တတ်နေသည့် လမ်းကြောင်း၌ မိုင်းထောင်တိုက်ခိုက်ခဲ့ရာ ပျူစောထီး ခေါင်းဆောင် ဆန်းဝင်း၏ ဇနီး ဖြစ်သူ တင်တင်စန်းသေဆုံးပြီး ပျူစောထီး ဌေးငြိမ်းမှာ ခြေထောက်နှစ်ဖက်ဖြတ်လိုက်ရကြောင်း သိရှိရသည်။
“ပျူခေါင်းဆောင် ဆန်းဝင်းရဲ့ မိန်းမ က အလောင်းတောင်ကောက်မရဘူး။ တစ်စစီဖြစ်သွားတာ၊ မိုင်းထိတဲ့ ပျူစောထီး ဌေးငြိမ်းကလည်း ယာကြီးပြင်ကျေးရွာရဲ့ ပျူစောထီး ဒုခေါင်းဆောင် ပေါငြိမ်း ရဲ့ညီ၊ အဲဒီဌေးငြိမ်းက ဒူး အထက်နားကနေခြေထောက် နှစ်ဖက်လုံးပြတ်ထွက်သွားတာ။” ဟု ဆိပ် ဖြူတကိုယ်တော် ကျားဇိုးက ရန်ကုန်ခေတ်သစ်သတင်းဌာနထံသို့ ပြောကြားသည်။
ဇန်နဝါရီလ ၂၉ ရက်နေ့က ခြေထောက်နှစ်ပြတ်သည့် ပျူစောထီး ဌေးငြိမ်းကို လူနာတင်ယာဉ်ဖြင့် ကပစ ၂၄ သို့ သယ်ဆောင်သွားပြီး ယင်းမှတဆင့် Mi 35 ရဟတ်ယာဉ်ဖြင့် နေပြည်တော်သို့ ဆေးကု သရန် သယ်ဆောင်သွားကြောင်း၊ အဆိုပါ တိုက်ခိုက်မှုကို ဆိပ်ဖြူ တကိုယ်တော် ကျားဇိုးမှ လုပ်ဆောင် ခဲ့ခြင်းဖြစ်ကြောင်း သိရသည်။
