By ရန်ကုန်ခေတ်သစ်
ဒီကနေ့ ဇွန် ၉ ရက် မနက်ပိုင်း ရရှိထားတဲ့သတင်းတွေကတော့
-ကိုဂျင်မီ၊ ကိုဖြိုးဇေယျာသော်အပါအဝင် ဒီမိုကရေစီဘက်တော်သား ၄ ဦးကို ကွပ်မျက်ရန် စစ်တပ်က ကြိုးပမ်းမှု မြန်မာနဲ့နိုင်ငံတကာအဖွဲ့ ၁၉၉ ခုက ကန့်ကွက်ရှုတ်ချလိုက်ပြီး နိုင်ငံတကာအသိုက်အဝန်း သက်ဆိုင်ရာအဖွဲ့အစည်းတွေက မြန်မာ့အရေးလှုပ်ရှားသူ ၄ ဦးကို ကွပ်မျက်မှု ပယ်ဖျက်ရန် တောင်းဆိုလိုက်ပါတယ်။
– မကွေးတိုင်း ရေစကြိုမြို့နယ် ဆင်ကြို့ကြူကျေးရွာအနီးမှာ အကြမ်းဖက်စစ်တပ် လက်အောက်ခံ ပျူစောထီး အဖွဲ့တွေက PDF ရဲဘော် ၃ ဦးကို မေလ ၂၈ ရက်နေ့ ည ၁၁ နာရီလောက်မှာ ဖမ်းဆီ သတ်ဖြတ်ခဲ့ပြီး ရုပ်အလောင်း တွေကို မီးရှို့ထားခဲ့တယ်လို့ Taung Lat People’s Defense Force TLF ပြောက်ကျားတပ်ဖွဲ့က သိရပါတယ်။
– မကွေးတိုင်း ဂန့်ဂေါမြို့နယ် ရဲလှရွာကနေထွက်ခွာလာတဲ့ အကြမ်းဖက်စစ်တပ်စစ်ကြောင်းကို ဇွန်လ ၈ ရက်နေ့မှာ PDF တပ်ဖွဲ့တွေက ကြားဖြတ်တိုက်ခိုက်တာ၊ ခြုံခိုတိုက်တာတွေ ပြုလုပ်ခဲ့ပြီး ဒရုန်းနဲ့ပါ ဗုံးကျဲ တိုက်ခိုက်ခဲ့တာကြောင့် စစ်သား ၂၀ ဦးသေဆုံးခဲ့တယ်လို့ HYPER UAV FORCE တပ်ဖွဲ့ဆီကသိရပါတယ်။
– မကွေးတိုင်း၊ ပုလဲ-ဂန့်ဂေါလမ်းမှာ ခလရ ၅၅၃ မှ စစ်သား ထက်မြတ်စိုးဟာ သင်္ကန်းဝတ်နဲ့ ဘုန်းကြီးယောင် ဆောင်ပြီး မိုင်းကွင်းတွေ လိုက်လံကြည့်ရှုစစ်ဆေးနေစဉ် ဖမ်းမိခံခဲ့ရတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
