ရန်ကုန်၊ ဇွန် ၉
ကချင်ပြည်နယ်၊ ဖားကန်မြို့နယ်၊ အေးမြသာယာ ရပ်ကွက်အနီးရှိ ရေကန်ထဲသို့ ကလေးငယ် ၁ ဦး အပါအဝင် မိသားစုဝင် ၃ ဦး လိုက်ပါသော ပါဂျဲရိုးအိမ်စီးကားတစ်စီး ယနေ့ နံနက်ပိုင်း ရေကန်ထဲ ပြုတ်ကျ နစ်မြုပ်သွားကြောင်း ဒေသခံများထံမှ သိရှိရသည်။
ဇွန်လ ၉ ရက်နေ့ နံနက် ၉ နာရီကျော်အချိန်တွင် အဆိုပါကား ရေကန်ထဲ ပြုတ်ကျနစ်မြုပ်သွားခြင်းဖြစ်ပြီး ကားပေါ် လိုက်ပါသူ အားလုံး သေဆုံးသွားပြီဖြစ်ကြောင်း၊ လက်ရှိတွင် ကားကို ပြန်လည် ဆယ်ယူရေး လုပ်ဆောင်နေကြောင်း ဒေသခံများထံမှ သိရှိရသည်။
“အေးမြသာယာနားမှာရှိတဲ့ ကန်ထဲကို ပါဂျယ်ရို ကားတစ်စီးပြုတ်ကျတယ်။ ကလေးပါ မိသားစု၃ယောက် ကားပေါ်ပါကတော့ သေလောက်ပြီ။ အခုထိ မပေါ်လာသေးဘူး။ ကားလည်း ဆယ်မရသေးဘူး။” ဟုဒေသခံတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။
