By ရန်ကုန်ခေတ်သစ်
ဒီကနေ့ ဇွန် ၁၁ ရက် နေ့လယ်ပိုင်း ရရှိထားတဲ့သတင်းတွေကတော့
– မကွေးတိုင်း၊ စေတုတ္တရာမြို့နယ် NLD လူငယ် တာဝန်ခံ ကိုဗိုလ်မင်းကို စစ်ကောင်စီတပ်က ဖမ်းမမိလို့ ဆိုပြီး၊ ၁ နှစ်သားအရွယ် ကလေးမိခင် ဇနီး မနှင်းမိုးခိုင် ကို ဖမ်းဆီးပြီးတော့ ထောင်ဒဏ် နှစ် ၂၀ ချမှတ်လိုက်တယ်လို့ မိသားစုဝင်တွေဆီက သိရပါတယ်။
-မန္တလေးတိုင်း၊ သာစည်းမြို့နယ်၊ အုတ်တွင်းကျေးရွာမှာ လူစုလူဝေး လုပ်တယ်ဆိုပြီး ၊ စစ်ကောင်စီ တပ်က ဝင်ရောက်ပစ်ခတ်တဲ့အတွက် ပြည်သူ ၁ ဦးသေဆုံးတဲ့အပြင် ၊ ၁၀ ဦးကို ဒဏ်ရာတွေ နဲ့ ဖမ်းဆီးခေါ် ဆောင်သွားတယ်လို့ ဒေသခံတွေဆီကနေ သိရပါတယ်။
– စစ်ကိုင်းတိုင်း၊ ကန့်ဘလူမြို့နယ် ၊ အလယ်ခုံရွာ၊ ဇော်ချောင်းရွာ နဲ့ အောက်တွဲ-ရွာတို့ကို အကြမ်းဖက် စစ်ကောင်စီတပ်က ဇွန်လ ၈ ရက်၊ ၉ ရက် နဲ့ ၁ဝ ရက်နေ့တွေမှာ မီးရှို့ဖျက်ဆီးခဲ့တဲ့အတွက် ပြည်သူ ပိုင်နေအိမ် ၂၈၈ လုံး ပြာကျခဲ့တဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
