ဘားအံခရိုင်အတွင်း ဝင်ရောက် ကျူးကျော် တပ်စွဲထားသော စစ်တပ်၏ မော်ကွီးလု တပ်စခန်းကို အပြီးသတ် တိုက်ခိုက် သိမ်းပိုက်

ရန်ကုန်၊ မေ ၁၆

ကရင်ပြည်နယ်၊ ဘားအံခရိုင် အတွင်း ဝင်ရောက် ကျူးကျော် တပ်စွဲထားသော အကြမ်းဖက် စစ်တပ်၏ မော်ကွီးလု တပ်စခန်းကို အပြီးသတ် ပြန်လည် တိုက်ခိုက် သိမ်းပိုက်နိုင်ခဲ့ကြောင်း KNU ဗဟိုက ထုတ်ပြန်ထားသည်။

မေလ ၁၆ ရက်နေ့ နံနက် ၅ နာရီ ၃၀ မိနစ်ခန့်တွင် ဘားအံခရိုင်၊ တာကရယ် (ပိုင်ကျုံ) မြို့နယ်အတွင်း ဝင်ရောက်ကျူးကျော် တပ်စွဲထားသော အကြမ်းဖက် စစ်တပ်၏ ခလရ−၂၄ မှ စစ်ကောင်စီ တပ်သားများ တပ်စွဲထားသော မော်ကွီးလု တပ်စခန်းကို အပြီးသတ် တိုက်ခိုက်သိမ်းပိုက်နိုင်ခဲ့ကြောင်း သိရသည်။

အဆိုပါ တိုက်ခိုက် သိမ်းပိုက်မှုကို တပ်မဟာ (၇) လက်အောက်ခံ ကရင်အမျိုးသား လွတ်မြောက်ရေး တပ်မတော် (K.N.L.A) နှင့် ကရင်အမျိုးသားကာကွယ်ရေးတပ်ဖွဲ့ (K.N.D.O) တို့က ပူးပေါင်း လုပ်ဆောင်ခဲ့ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar