ဒီကနေ့ ဇွန် ၁၄ ရက် ညနေပိုင်း တင်ဆက်ပေးမယ့် သတင်းတွေကတော့
ရန်ကုန်မြို့က လမ်းမတော်မြို့နယ် နဲ့ ကမာရွတ်မြို့နယ်တွေမှာ စစ်ကောင်စီဘက်က ရဲတပ်ဖွဲ့နဲ့ စစ်တပ်က မွေးထားတဲ့ ပျူစောထီးတွေအကြား ပစ်ခတ်မှုဖြစ်တဲ့အထိ အချင်းများ ရန်ဖြစ်မှုတွေ ပေါ်ပေါက်လာသလို ၊ အဲဒီပျူစောထီးအဖွဲ့တွေက ရဲကဖမ်းပေမယ့် စစ်တပ်က ပြန်လွှတ်ခိုင်းခဲ့တယ်လို့ စစ်တပ်သတင်းရင်းမြစ်က ပြောထားသလို ဒေဿခံပြည်သူတွေကလည်း ပြောထားကြပါတယ်။
အကြမ်းဖက် စစ်ကောင်စီ လက်အောက်ခံ Non-CDM ဝန်ထမ်းတွေကို နိုင်ငံတော်ပုန်ကန်မှုမှာ ပူးပေါင်းပါဝင်မှု အပါအဝင် ပုဒ်မများစွာနဲ့ တရားစွဲအရေးယူမည့် ဥပဒေကို ပြည်ထောင်စုလွှတ် တော်ကိုယ်စားပြု ကော်မတီ (CRPH) က ပြဋ္ဌာန်းလိုက်ပါတယ်။
စစ်ကိုင်းတိုင်းက ရွှေဘိုမြို့နယ်၊ ဆယ်ပင်ကျွန်း ပျူစောထီးရွာကို တော်လှန်ရေးပူးပေါင်းတပ်တွေက ဝင်ရောက်တိုက်ခိုက်သိမ်းပိုက်မှုအတွင်း ပျူစောထီး ၁၈ ဦးကို အရှင်ဖမ်းမိထားတဲ့အပြင် ၊ သေနတ် ၁၀ လက်ကိုပါ သိမ်းဆည်းရရှိထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
