ဂန့်ဂေါမြို့နယ်၊ မြောက်ခင်ရန်း ပျူစောထီးရွာကို လက်နက်ကြီးများဖြင့် ပစ်ခတ်တိုက်ခိုက်မှု စစ်ကောင်စီ တပ်သားများ ထိခိုက်သေဆုံးမှုများပြား

ရန်ကုန်၊ ဇူလိုင် ၁

မကွေးတိုင်း၊ ဂန့်ဂေါမြို့နယ်၊ မြောက်ခင်ရန်း ပျူစောထီးရွာကို လက်နက်ကြီးများဖြင့် ပစ်ခတ်တိုက်ခိုက်မှု အကြမ်းဖက် စစ်ကောင်စီ တပ်သားများ ထိခိုက်သေဆုံးမှုများပြားကြောင်း Ah Nyar Heroes အဖွဲ့က ပြောဆိုသည်။

ဇွန်လ ၂၉ ရက်နေ့တွင် ဂန့်ဂေါမြို့နယ်၊ မြောက်ခင်ရန်း ပျူစောထီးရွာကို Ah Nyar Heroes အဖွဲ့က လက်နက်ကြီးများဖြင့် ပစ်ခတ် တိုက်ခိုက်ခဲ့ကြောင်း သိရသည်။

ယင်းတိုက်ခိုက်မှုအတွင်း အကြမ်းဖက် စစ်သားနှင့် ပျူစောထီး ၂၀ ဦးခန့်သေဆုံးခဲ့ပြီး တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။

အဆိုပါ တိုက်ခိုက်မှုသည် မြောက်ခင်ရန်းရွာမှ အကြမ်းဖက် စစ်ကောင်စီ တပ်သားများက တော်လှန်ရေး ရဲဘော် ၂ ဦးကို ရက်ရက်စက်စက် အရှင်လတ်လတ်မီးရှို့သတ်ဖြတ်ခဲ့ခြင်း အပေါ် AhNyar Heroes အဖွဲ့က သွေးကြွေး ပြန်တောင်းသည့် အနေဖြင့် တိုက်ခိုက်ခဲ့ခြင်းဖြစ်ကြောင်း သိရသည်။