ကလေးဝမြို့နယ်အတွင်း စစ်ကြောင်းထိုးလာသော စစ်ကောင်စီ တပ်သားများကို တိုက်ခိုက်မှု စစ်တပ်ဘက်မှ ထိခိုက်နာပြီး ပြန်လည် ဆုတ်ခွာသွား

ရန်ကုန်၊ ဩဂုတ် ၂

စစ်ကိုင်းတိုင်း၊ ကလေးဝမြို့နယ်အတွင်း စစ်ကြောင်းထိုးလာသော အကြမ်းဖက် စစ်ကောင်စီ တပ်သားများကို တိုက်ခိုက်ရာ စစ်တပ်ဘက်မှ ထိနာပြီး ပြန်လည် ဆုတ်ခွာသွားကြောင်း က​လေးခရိုင် ပကဖ ခရိုင် တာဝန်ခံက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဩဂုတ်လ ၂ ရက်နေ့ နံနက်ပိုင်းတွင် ကလေးဝမြို့နယ် အတွင်းရှိ PDF နှင့် ပကဖ များ ထိန်းချုပ်ထားသော နယ်မြေများကို အောင်ချမ်းသာရွာ စစ်တပ် စခန်းနှင့် ဆင်အိုင်မရွာ ပျူစောထီးစခန်းမှ စစ်ကောင်စီ တပ်သားများက အလစ်အငိုက် ဝင်ရောက် တိုက်ခိုက်ခဲ့ခြင်းဖြစ်ကြောင်း သိရသည်။

ထိုသို့ စစ်ကောင်စီ တပ်သားများ ဝင်ရောက် တိုက်ခိုက်လာခြင်းကြောင့် ​PDF နှင့် ပကဖ ပူး​ပေါင်း တပ်ဖွဲ့ များက လိုက်လံ တိုက်ခိုက်ရာ စစ်ကောင်စီ တပ်သားများ အထိနာပြီး ပြန်လည် ဆုတ်ခွာသွားကြောင်း၊ တော်လှန်ရေး တပ်ဖွဲ့ဝင်များ အထိအခိုက်မရှိဘဲ နယ်မြေများကို ပြန်လည်စိုးမိုး ထိန်းချုပ် ထားပြီးဖြစ်ကြောင်း သိရှိရသည်။

“စစ်ခွေးတွေက ပစ်​ပြေးအဆင့်​လောက်ပါပဲ တိုက်ပွဲကြီး မဟုတ်ဘူး။ စစ်ခွေးတွေက အလစ်ဝင်လာတယ် ​တွေ့ရာ ပြည်သူ​တွေကို ဖမ်းတယ်။ ပိုက်ဆံတို့ ဘာတို့​လို တန်ဖိုးရှိတဲ့ ဟာ​တွေကိုယူတယ်။ ကျနော်တို့ တော်လှန်ရေး ရဲဘော်တွေ ပစ်​တော့ ပြန်​ပြေးတယ်” ဟု က​လေးခရိုင် ပကဖ ခရိုင် တာဝန်ခံက ပြောဆိုသည်။