By ရန်ကုန်ခေတ်သစ်
ဒီကနေ့ ဇွန် ၂၀ ရက် နေ့လယ်ပိုင်း ရရှိထားတဲ့သတင်းတွေကတော့
– အမေရိကန် ၊ ပြည်ထောင်စု ၊ နယူးယောက်မှာ NY -CBC နဲ့ H2B အဖွဲ့တို့ကနေ လူထုခေါင်းဆောင် ဒေါ်အောင်ဆန်းစုကြည်ရဲ့ (၇၇) နှစ်မြောက် မွေးနေ့ အထိမ်း အမှတ်ပွဲကို ဇွန်လ(၁၉)ရက်နေ့ (မြန်မာစံတော်ချိန်ဖြစ်တဲ့ ဇွန်လ ၂၀ ရက်နေ့) မှာ နယူးယောက်က Flatiron Public Plaza မှာ မွန်းလွဲ ၃ နာရီခွဲကနေ ညနေ ၅ နာရီခွဲ အထိ ကျင်းပ ပြုလုပ်ခဲ့ကြပါတယ်။
– ဂျပန်နိုင်ငံ၊ တိုကျိုမြို့မှာ ဇွန်လ ၁၉ ရက်နေ့က ကျင်းပ ပြုလုပ်ခဲ့တဲ့ လူထုခေါင်းဆောင် ဒေါ်အောင် ဆန်းစုကြည် မွေးနေ့ပွဲက ရရှိလာတဲ့ အလှူငွေတွေကို စစ်ကိုင်းတိုင်းမှာရှိတဲ့ မီးဘေးသင့် စစ်ဘေးရှောင် တွေကို လှူဒါန်းသွားမှာဖြစ်တယ်လို့ သိရပါတယ်။
– ပဲခူးတိုင်းဒေသကြီး၊ ရေတာရှည်မြို့ အမှတ် (၄) ရပ်ကွက် အုပ်ချုပ်ရေးမှူး ဝင်းနိုင်ဟာ ဇွန်လ ၁၉ ရက်နေ့က ရေတာရှည်မြို့မှာရှိတဲ့ သူ့ရဲ့ ကွမ်းယာဆိုင်ဘေးမှာ ပစ်ခတ်ခံရပြီး သေဆုံးသွား တဲ့သတင်း အပါအဝင်နောက်ဆုံးရသတင်းတွေကို တင်ဆက်ပေးပါမယ်။
