ကယ်လီဖိုးနီးယားပြည်နယ် ဘာကလေမြို့ မြို့တော်ခမ်းမရှေ့တွင် ရှစ်လေးလုံး အရေးတော်ပုံကြီး ၃၇ နှစ်မြောက် နှစ်ပတ်လည်နေ့ အခမ်းအနားနှင့် Burma Day အလံတင်ပွဲပြုလုပ်

ရန်ကုန်၊ ဩဂုတ် ၁၀

အမေရိကန်နိုင်ငံ ကယ်လီဖိုးနီးယားပြည်နယ်၊ ဆန်ဖရန်စစ္စကို (ဗေးဧရိယာ)ရှိ ဘာကလေမြို့ မြို့တော်ခမ်းမရှေ့တွင် ရှစ်လေးလုံး အရေးတော်ပုံကြီး ၃၇ နှစ်မြောက် နှစ်ပတ်လည်နေ့ အခမ်းအနားနှင့် Burma Day အလံတင်ပွဲကို ဩဂုတ်လ ၉ ရက်နေ့တွင် ကျင်းပခဲ့‌ကြောင်း သိရှိရသည်။

အဆိုပါ အခမ်းအနားကို ၈၈၈၈ မျိုးဆက်များ၊ နွေဦးတော်လှန်ရေး အင်အားစုများ၊ ကျောင်းသားအင်အားစုများနှင့်အတူ ဒီမိုကရေစီရေးတက်ကြွလှုပ်ရှားသူများတက်ရောက်ခဲ့ကြကြောင်း သိရှိရသည်။