ဒီကနေ့ စက်တင်ဘာ ၉ ရက် မနက်ပိုင်း တင်ဆက်ပေးမယ့် သတင်းတွေကတော့
-ဧရာ၀တီတိုင်းကနေ ရခိုင်ဘက်ကို စက်သုံးဆီ၊ ဆေးဝါးနဲ့ ရိက္ခာတွေ လာဘ်ပေးလာဘ်ယူတင်ပို့ခဲ့တဲ့အမှုမှာ ထဲထဲဝင်ဝင်ပါဝင်ပတ်သက်ခဲ့တဲ့ နယ်/လုံဝန်ကြီးဟောင်း ဗိုလ်မှူးကြီး မိုးမင်းနိုင်ဟာ အရေးယူမခံရဘဲ လွတ်မြောက်သွားခဲ့တယ်လို့ အနောက်တောင်တိုင်းစစ်ဌာနချုပ်သတင်းရင်းမြစ်က ပြောပါတယ်။
တနင်္သာရီတိုင်း၊ ပုလောမြို့နယ်၊ ထမင်းမစားကျေးရွာမှာ တပ်စွဲထားတဲ့ အကြမ်းဖက်စစ်ကောင်စီတပ်စခန်းကို တိုက်ခိုက်သိမ်းပိုက်ရရှိခဲ့တယ်လို့ KNU မြိတ် -ထားဝယ်ခရိုင် အတွင်းရေးမှူး စောအယ်နား က ရန်ကုန်ခေတ်သစ်ကို ပြောပါတယ်။
မကွေးတိုင်း၊ ပွင့်ဖြူမြို့နယ်မှာ အကြမ်းဖက်စစ်တပ်စစ်ကြောင်းကို ၂ ကြိမ်တိုက်ခိုက်ရာ စစ်သား ၁၉ ဦး သေဆုံးခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
