ဒီကနေ့ နိုဝင်ဘာ ၁၁ ရက် ညနေပိုင်း တင်ဆက်ပေးမယ့် သတင်းတွေကတော့
အာရက္ခတပ်တော် AA ဗိုလ်ချုပ် ထွန်းမြတ်နိုင်အပါအဝင် AA ခေါင်းဆောင်တွေနဲ့ ချင်းညီနောင် CB အဖွဲ့တို့ တွေ့ဆုံပြီး အကြမ်းဖက် စစ်တပ်ရဲ့ တန်ပြန်ထိုးစစ်ကို ခန့်မှန်းပြင်ဆင်ပူးပေါင်းဖို့အပြင်စစ်ရေး၊ နိုင်ငံရေး၊ စီးပွားရေး ပူးပေါင်းဆောင်ရွက်ဖို့ ဆွေးနွေးခဲ့ကြတယ်လို့ ချင်းညီနောင် ပြောရေးဆိုခွင့်ရှိသူ ဆလိုင်းယောမန်က ပြောပါတယ်။
မြန်မာနိုင်ငံကို စစ်အာဏာသိမ်းမှုနဲ့ ချွတ်ခြုံကျအောင် ဖျက်ဆီးလိုက်တဲ့ အကြမ်းဖက် စစ်တပ်ကပဲ တဖန်ပြန်ပြီး NLD အစိုးရက ဒီမိုကရေစီစနစ်ကို ရည်ရွယ်ချက်ရှိရှိ ဖျက်ဆီးခဲ့မှုကို သူတို့ စစ်တပ်က ပြန်လည် တည်ဆောက် ပေးနေရတယ်ဆိုပြီး စစ်တပ်ရဲ့ ဝါဒဖြန့်ချိရေးခေါင်းဆောင် အကြမ်းဖက် ဇော်မင်းထွန်း ကိုယ်တိုင်ပြောနေ ပြန်ပါတယ်။
အကြမ်းဖက် စစ်တပ်က သူတို့လုပ်မယ့် အတုအယောင် ရွေးကောက်ပွဲအတွက် နောက်ထပ် အနုပညာရှင်တွေကို ခြိမ်းခြောက်ပြီးတော့ ဝါဒဖြန့်ခိုင်းနေရာမှာ သရုပ်ဆောင်တွေပြီးတဲ့နောက် အဆိုတော်တွေအလှည့်ကို ရောက်လာပြန်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
