ထိုင်းနိုင်ငံ ဘန်ကောက်မြို့တွင် ပြုံးပြုံးလေး ရုပ်ရှင်ဇာတ်ကားကို ယနေ့ နိုဝင်ဘာလ ၂၃ ရက်နေ့တွင် ပြသခဲ့ရာ ထိုင်းရောက် မြန်မာနိုင်ငံသား အများအပြား လာရောက်ကြည့်ရှုအားပေးခဲ့ကြောင်း ပွဲစီစဉ်သူများထံမှ သိရှိရသည်။
နေရာ အပြောင်းအရွှေ့နှင့် အခက်အခဲ အချို့ရှိခဲ့သော်လည်း ပြုံးပြုံးလေး ရုပ်ရှင်ဇာတ်ကားကို တော်လှန်ပြည်သူအများအပြား လာရောက်ကြည့်ရှုခဲ့ကြခြင်း ဖြစ်ပြီး ထိုင်ခုံပြည့်ရုံသာမက မတ်တတ်ရပ်အားပေးကြသူအများအပြားရှိခဲ့ကြောင်း ရုပ်ရှင်ဇာတ်ကား သွားရာက်ကြည့်ရှုခဲ့သူ တော်လှန်ပြည်သူများက ပြောကြားသည်။
ပြုံးပြုံးလေး ရုပ်ရှင်ဇာတ်ကားသည် သရုပ်ဆောင် မင်းမော်ကွန်း၊ ဒါရိုက်တာ ကိုပေါက်နှင့်အတူ အလွှာပေါင်းစုံမှ တော်လှန်ရေး ရဲဘော်ရဲဘက်များပါဝင် သရုပ်ဆောင်ထားပြီး ဖြစ်ရပ်မှန်ကို အခြေခံထားသည့် တော်လှန်ရုပ်ရှင်ဇာတ်ကား ဖြစ်သည်။
