အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဖရန်စစ်ကို မြို့ မြို့တော်ခန်းမရှေ့တွင် Free Burma Action Committee-Northern California က ဦးဆောင်၍ “အကြမ်းဖက်စစ်အုပ်စု ရွေးကောက်ပွဲကို တိုက်ဖျက်ချေမှုန်းကြ၊ ငုံ့မခံနဲ့ တုန့်ပြန်ကြဟေ့” ကြွေးကြော်သံဖြင့် ၁၆၇ ကြိမ်မြောက် စဉ်ဆက်မပြတ် မြေပြင်လူထုသပိတ်တိုက်ပွဲကို ဒီဇင်ဘာလ ၆ ရက်နေ့တွင် ဆင်နွှဲခဲ့ကြကြောင်း သိရှိရသည်။
အဆိုပါ မြေပြင်သပိတ်တွင် မန္တလေးမြေပြင်လူထုသပိတ်ကို ထောက်ခံကြိုဆိုခဲ့ပြီး ရွေးကောက်ပွဲဆန့်ကျင်ရေး တောင်းဆိုမည့် ဒီဇင်ဘာလ ၁၀ ရက်နေ့ ပြည် လုံးကျွတ် အပြင်မထွက် အသံတိတ်တိုက်ပွဲတွင်လည်း ပြည်သူလူထုအပေါင်းအန္တရယ်ကင်းနိုင်သမျှကင်းအောင် ရှောင်လွှဲပြီး တိုက်ပွဲဝင်သွားရန် နှိုးဆော်ခဲ့ကြောင်း၊ဆန္ဒထုတ်ဖော်ပွဲသို့ ကျောင်းသားလူငယ်များ၊ နွေဦးတော်လှန်ရေးအင်အားစုများ၊ ထောက်ပို့ပြည်သူများ တက်ရောက်ခဲ့ကြကြောင်း သိရှိရသည်။
