ရန်ကုန်၊ ဇူလိုင် ၈
မန္တလေးတိုင်း တကောင်းမြို့ အမြောက်တပ်ရင်း ၃၈၄ မှ တပ်သား မောင်ကောင်းညိမ်းသည် တကောင်းမြို့ ပြည်သူ့ကာကွယ်ရေးတပ်ဖွဲ့ (Tagaung PDF)ထံ CDM လာရောက် ပြုလုပ်ခဲ့ပြီး Tagaung PDF တပ်ဖွဲ့က ပြောသည်။
လက်ရှိချိန်တွင် CDM ပြုလုပ်ခဲ့သော တပ်သား မောင်ကောင်းညိမ်းကို တ ကောင်းမြို့ ပြည်သူ့ ကာကွယ်ရေးတပ်ဖွဲ့မှ ပြည်သူ့ရင်ခွင်သို့ ပို့ဆောင်ပေးသွားမည် ဖြစ်ပြီး လိုအပ်သည်များကို လုပ်ဆောင်ပေးကာ အဖွဲ့လိုအပ်ချက်များစွာရှိနေသဖြင့် ဆုကြေးငွေများကို မထောက်ပံ့နိုင်သော်လည်း ထိုက်သင့်သည်များကိုသာ လုပ်ဆောင်ပေးသွားမည်ဖြစ်ကြောင်း Tagaung PDF တပ်ဖွဲ့၏ အဆိုအရ သိရှိရသည်။
