By ရန်ကုန်ခေတ်သစ်
ဒီကနေ့ ဇူလိုင် ၉ ရက် နေ့လယ်ပိုင်း ရရှိထားတဲ့သတင်းတွေကတော့
-နိုင်ငံတစ်ဝန်း ရဲတပ်သား၊ စစ်မှုထမ်း -ဟောင်း၊ စစ်တပ် ထောက်ခံသူ၊ သတင်းပေးနဲ့ ရာအိမ်မှူး စုစုပေါင်း ၈ ဦး ပစ်ခတ်ခံရပြီး ၇ ဦး သေဆုံးခဲ့တယ်လို့ သိရပါတယ်။
– မန္တလေးတိုင်း၊ သပိတ်ကျင်းမြို့နယ်၊ ကံထောင်-ကျေးရွာက စစ်တပ်ပိုင် ဦးပိုင်လုပ်ကွက်မှာ အလုပ်လုပ် နေကြတဲ့ ရွှေလုပ်သမား အယောက် ၁၅၀ ကျော်ကို အကြမ်းဖက် စစ်ကောင်စီတပ်က ဇွန်လိုင်လ ၈ ရက်နေ့ ညပိုင်းမှာ ဖမ်းဆီးသွားတယ်လို့ ဒေသခံတွေက ရန်ကုန်ခေတ်သစ်ကိုပြောပါတယ်။
-ပြည်သူလူထုရဲ့ ထောက်ခံမှု တခဲနက်ရရှိထားတဲ့ ၂၀၂၀ ရွေးကောက်ပွဲရလဒ်ကို ဖျက်သိမ်းပြီး စစ်ကောင် စီ က ထပ်မံ ကျင်းပဖို့ ကြိုးစားနေတဲ့ ရွေးကောက်ပွဲဟာ တရားဝင်မှာမဟုတ်ဘဲ ဥပဒေနှင့် မညီတဲ့ အတွက်NLD အနေနဲ့ လုံး၀ လက်ခံမှာမဟုတ်ဘူးလို့ ဒီကနေ့ တရားဝင် ကြေညာလိုက်တဲ့ သတင်း အပါအဝင် နောက်ဆုံးရသတင်းတွေကို တင်ဆက်ပေးပါမယ်။
