စစ်တပ်ကမူ ဒရုန်းကို ပစ်ချနိုင်ခဲ့ပြီး လူထိခိုက်သေဆုံးမှုမရှိဟု သတင်းထုတ်ပြန်ပြီး ရာပြည့် ချက်ချင်း ဟားခါးမြို့မှ ကလေးမြို့သို့ ထွက်ခွာသွား
ရန်ကုန်၊ ဖေဖော်ဝါရီ ၂၁
ချင်းပြည်နယ်၊ဟားခါးမြို့တွင် ဒုဗိုလ်ချုပ်ကြီးရာပြည့် ဦးဆောင်၍ ၇၈ နှစ် မြောက် ချင်းအမျိုးသားနေ့ အခမ်းအနားလုပ်စဉ် CDF ဟားခါးက ဒရုန်းဖြင့် တိုက်ခိုက်သဖြင့် ဒုတိယဗိုလ်ချုပ်ကြီးရာပြည့် ခွေး ပြေး ဝက်ပြေးထွက်ပြေးတိမ်းရှောင်သွားကြောင်း CDF ဟားခါးမှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဖေဖော်ဝါရီလ ၂၀ ရက်နေ့ ဟားခါးမြို့၊ မြို့နယ်စုပေါင်းရုံးနှင့် ခရိုင်စုပေါင်းရုံးရှေ့တွင် ၇၈ နှစ်မြောက် ချင်းအမျိုးသားနေ့ အခမ်း အနားပြုလုပ်နေစဉ် CDF ဟားခါး၏ ဒရုန်းတပ်ဖွဲ့က အသေခံရုန်းဖြင့် တိုက် ခိုက်ခဲ့ကြောင်း၊ အဆိုပါ အခမ်းအနားသို့ ဒုတိယဗိုလ်ချုပ်ကြီး ရာပြည့်၊ စက်မှုဝန်ကြီးချာလီသန်း၊ ဝန် ကြီး မောင်မောင်တင့်၊ ချင်းပြည်နယ်ဝန်ကြီးချုပ် ဒေါက်တာ၀ုန်ဆွန်းထန်တို့တက်ရောက်ခဲ့ကြကြောင်း၊ CDF-Hakha ၏ ဒရုန်းတပ်ဖွဲ့၏ တိုက်ခိုက်မှုကြောင့် မရှုမလှပွဲပျက်သွားခဲ့ပြီး ချင်းပြည်နယ်၊ ဟားခါးတွင် ၃ ရက်ခန့်နေရန် ပြင်ဆင်ခဲ့သော ဒုတိယဗိုလ်ချုပ်ကြီးရာပြည့်မှာ ခွေးပြေးဝက်ပြေး ထွက်ပြေး တိမ်းရှောင်ကာ ချက်ချင်းပြန်လှည့် သွားခဲ့ရကြောင်း သိရှိရသည်။
CDF ဟားခါး၏ ပြောရေးဆိုခွင့်ရှိသူကမူ “လူထိခိုက်သေဆုံးမှု ရှိတယ်လို့တော့ သိရှိထားပါတယ်ဗျ။ အကြမ်းဖက်စစ်ကော်မရှင်ရဲ့ နိုင်ငံရေးလှုပ်ရှားမှုတွေ၊ စီးပွားရေးအကျိုးဆောင်လုပ်ငန်းတွေ အဖွဲ့အစည်းလည်ပတ်မှုတွေမှာ ကျော ထောက်နောက်ခံပြုနေတဲ့ မည်သူမဆိုကို စစ်ရေးအရ ထိရောက်စွာ ဆက်လက်အရေးယူဆောင်ရွက်သွားမှာဗျ” ဟု ရန်ကုန်ခေတ်သစ်သတင်းဌာနထံသို့ ပြော ဆို သည်။
အကြမ်းဖက်စစ်တပ်၏ ထုတ်ပြန်ချက်တွင်မူ ၇၈ နှစ်မြောက် ချင်းအမျိုးသားနေ့အခမ်းအနား ကျင်းပပြုလုပ်နေသည့် ချင်းပြည်နယ်၊ ဟားခါးမြို့၊ စုပေါင်းရုံးကို CDF (ဟားခါး)အဖွဲ့နှင့် PDF ပူးပေါင်းအဖွဲ့များက FPV Suicide Drone များအသုံးပြု၍ တိုက်ခိုက်ခြင်းဆောင်ရွက်ခဲ့ရာ လေကြောင်းလုံခြုံရေးတာဝန်များ ထမ်းဆောင်လျက်ရှိသည့် စစ်တပ်က လေကြောင်းရန် ကာကွယ်ရေးစနစ်များဖြင့် ထောက် လှမ်းသိရှိခဲ့ပြီး အဆိုပါ Drone ယာဉ်များကို လက်ဦးမှုရယူဟန့် တားနိုင်ခဲ့ကြောင်း၊ ယင်းသို့ ဆောင်ရွက်နိုင်ခဲ့ခြင်းကြောင့် အခမ်းအနားကျင်းပနေသည့်နေရာသို့ ကျရောက်ပေါက်ကွဲခြင်းမရှိဘဲ အနီး ဝန်းကျင်နေရာများတွင်သာ မြေပြင်ပေါ်သို့ ပျက်ကျပျက်စီးခဲ့ကြောငး သတင်းထုတ်ပြန်ထား သည်။
ယင်းကဲ့သို့ ဒရုန်းဖြင့် တိုက်ခိုက်မှုဖြစ်ပွားနောက် ဒုတိယဗိုလ်ချုပ်ကြီး ရာပြည့်မှာ ဟားခါးမြို့မှ နေ့ လယ် ပိုင်းတွင် ပြန်လည် ထွက်ခွာသွားကြောင်း သိရှိရသည်။
