By ရန်ကုန်ခေတ်သစ်
ဒီကနေ့ ဇူလိုင် ၁၈ ရက် မနက်ပိုင်း ရရှိထားတဲ့သတင်းတွေကတော့
Kaung For You နဲ့ပတ်သက်လို့ စစ်တပ်ရဲ့ ဖမ်းဆီးမှုအန္တရာယ်ရှိနေတဲ့ CDM ဆရာ၊ ဆရာမ၊ ကျောင်းသားကျောင်း သူတွေကို လက်ခံကြိုဆိုမယ်လို့ KNU ဗဟိုအလုပ်အမှုဆောင်ပဒိုစောတောနီးက တရားဝင် အသိပေးပြောဆို လိုက်ပါတယ်။
-မန္တလေးမှာ ရွှေဆိုင်နဲ့ ဘဏ်ဓားပြတိုက်မှုတွေဆက်တိုက်ဆိုသလိုဖြစ်ပွားနေပြီး ဘဏ်ဓားပြတိုက်မှုတစ်ခုကိုမှ
ဖိဖိစီးစီးကိုင်တွယ်နိုင်တာမရှိလို့ အကြမ်းဖက်စစ်ကောင်စီက ဘဏ်မန်နေဂျာတွေကို အစည်းအဝေး ဖိတ်ခေါ်လိုက်တယ်လို့ သိရပါတယ်။
– ရန်ကုန်တိုင်း မြောက်ဥက္ကလာမြို့နယ် အောင်မင်္ဂလာအဝေးပြေးဝင်းရှေ့ရှိ စစ်ထောက်လှမ်းရေးတပ်စစ်ဆေးရေး ဂိတ်ပေါက် ၂ ခုကို ဇူလိုင်လ ၁၇ ရက်နေ့ ညနေ ၅ နာရီ ၂၀ မိနစ်မှာ UG လူငယ်တွေက ဖောက်ခွဲတိုက်ခိုက်ခဲ့တယ်လို့ သိရပါတယ်။ အဲဒီတိုက်ခိုက်မှုကို Silver Coin N/Oka အဖွဲ့နဲ့ မြောက်ဥက္ကလာသမိုင်းမရိုင်းစေချင်လူငယ်များအဖွဲ့က ဖောက်ခွဲတိုက်ခိုက်ခဲ့တာဖြစ်ပြီး ACPLF Ranger အဖွဲ့က ပံ့ပိုးကူညီပေးခဲ့တာဖြစ်တယ်လို့ သိရပါတယ်။
– ရခိုင်ပြည်နယ်၊ ပုဏ္ဏားကျွန်းမြို့နယ် အထွေထွေအုပ်ချုပ်ရေးဦးစီးဌာနမှ အုပ်ချုပ်ရေးမှူးလှရွှေကို ဇူလိုင်လ ၁၇ ရက်နေ့ ညနေ ၃ နာရီကျော်လောက်က ကျောက်တော်ကနေ ပုဏ္ဏားကျွန်းကိုပြန်လာချိန် ရက္ခိုင့်တပ်တော် AA တပ်ဖွဲ့ဝင်တွေက ဖမ်းဆီးသွားတယ်လို့ ဒေသခံတွေက ပြောပါတယ်။
– မင်းအောင်လှိုင် ခေါင်းဆောင်တဲ့အကြမ်းဖက်စစ်တပ်ဟာ နေဝင်ချိန် နီးလာတာနဲ့အမျှ ပိုမိုရက်စက်ကြမ်းကြုတ် လာနေတဲ့ရာဇဝတ်ဂိုဏ်းဖြစ်လာနေပြီး စစ်ကောင်စီကို ချေမှုန်းဖို့ အားလုံးစုစည်းတော်လှန်မယ့်မဟာဗျူဟာကို အကောင်အထည်ဖော်နေတယ်လို့ အမျိုးသားညီညွတ်ရေးအစိုးရ၊ NUG ကာကွယ်ရေးဝန်ကြီးဌာန ဝန်ကြီး ဦးရည်မွန်က ပြောဆိုလိုက်တဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
