ရန်ကုန် ၊ ဇွန် ၂၁
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်မြောက် မွေးနေ့အထိမ်းအမှတ် တော်လှန်ရေးရန်ပုံငွေ စျေးရောင်းပွဲကို ဇွန်လ ၂၀ ရက်နေ့တွင် ယူကေနိုင်ငံ လန်ဒန်မြို့၌ ကျင်းပခဲ့ ကြောင်း သိရသည်။
အဆိုပါ အခမ်းအနားသို့ ပြည်ထောင်စုဝန်ကြီး ဦးတင်ထွန်းနိုင်၊ ဒုတိယဝန်ကြီး ဦးလဖိုင် မော်ထွန်းအောင်၊ ယူကေနိုင်ငံဆိုင်ရာ ကိုယ်စားလှယ် ဦးမောင်မောင်အောင်နှင့် ဒေါက်တာသက်ကိုကို၊ ဒေါ်အောင်ဆန်းစုကြည်၏ သားငယ် ကိုထိန်လင်းနှင့် ယူကေအစိုးရ ဝန်ကြီးဟောင်း Mr. Paul Scully တို့ တက်ရောက်ခဲ့ကြပြီး ယူကေရောက် တော်လှန်ရေးမိသားစုများနှင့် ရင်းရင်းနှီးနှီး တွေ့ဆုံစကားပြော ခဲ့ကြောင်း သိရသည်။
ထို့ပြင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကျန်းမာချမ်းသာစေရန် ဆုတောင်း စကားများ ပြောကြားခဲ့ကြသလို၊ မတရားဖမ်းဆီးထိန်းသိမ်းခံထားရမှုမှ လွတ်မြောက်ရေးအတွက် တော်လှန်ရေးအင်အားစုများအနေဖြင့် ဆက်လက်ပူးပေါင်းဆောင် ရွက်သွားရမည့် ကိစ္စရပ်များကို လည်း ဆွေးနွေးပြောကြားခဲ့ကြောင်း သိရသည်။
