ရန်ကုန်၊ ဩဂုတ် ၄
ကရင်နီပြည်နယ်တွင် ဇူလိုင်လအတွင်း၌ အကြမ်းဖက်စစ်ကောင်စီတပ်သား ၁၂ ဦးကို အလယ်ပိုင်းတိုင်းအထူးစစ်ဆင်ရေး စနိုက်ပါ တပ်ဖွဲ့က ရှင်းလင်းနိုင်ခဲ့ကြောင်း သတင်းရရှိသည်။
ဖရူဆိုမြို့နယ် ထီခူးတောတွင် တပ်စွဲထားသည့် ခမရ ၄၂၈ တပ်ဖွဲ့ကို အလယ်ပိုင်းတိုင်းအထူးစစ်ဆင်ရေးအဖွဲ့က ၄ ကြိမ် သွားရောက်ပစ်ခတ်ရာ စစ်သား ၈ ဦးသေဆုံးကြောင်း၊ ဖယ်ခုံမြို့နယ် လွယ်မကူးတောင်ပေါ်ရှိ စစ်ကောင်စီတပ်ဖွဲ့ကို ပစ်ခတ်ရာ ၁ ဦး သေဆုံးပြီး မိုးဗြဲစစ်ဆင်ရေးတွင် စစ်သား ၃ ဦး သေဆုံးခဲ့ကြောင်း အလယ်ပိုင်းတိုင်း အထူးစစ်ဆင်ရေးအဖွဲ့က သတင်းထုတ်ပြန်သည်။
ကရင်နီပြည်နယ်နှင့် ရှမ်းပြည်နယ်တောင်ပိုင်း ဖယ်ခုံမြို့များတွင် နယ်မြေကျူးကျော်တပ်စွဲထားသော အကြမ်းဖက်စစ်တပ်ကို အလယ်ပိုင်းတိုင်း အထူးစစ်ဆင်ရေးအဖွဲ့နှင့် ကရင်နီပူးပေါင်းတပ်ဖွဲ့များက ခုခံတိုက်ခိုက်နေခြင်းဖြစ်သည်။
