By ရန်ကုန်ခေတ်သစ်
ဒီကနေ့ ဩဂုတ် ၁၂ ရက် ညနေပိုင်း ရရှိထားတဲ့ သတင်းတွေကတော့
– ရန်ကုန်တိုင်း ၊ အင်းစိန်မြို့နယ်မှာ ဒီကနေ့ ဩဂုတ်လ ၁၂ ရက်နေ့ မနက်ပိုင်းက အကြမ်းဖက် စစ်အာဏာရှင် ဆန့်ကျင်ရေး ပြုလုပ်တဲ့ လူငယ်တွေကို စစ်ကောင်စီတပ် နဲ့ ပူးပေါင်း ဖမ်းဆီးခဲ့တဲ့ အရန်မီးသတ်ခေါင်းဆောင် လှိုင်မင်းထွန်း ပစ်ခတ်ခံရပြီး သေသွားတယ်လို့ သိရပါတယ်။
– စစ်ကိုင်းတိုင်း၊ ဗန်းမောက်မြို့နယ် အထွေထွေအုပ်ချုပ်ရေးမှူးရုံးကို ဒီကနေ့ ဩဂုတ်လ ၁၂ ရက်နေ့ မနက်ပိုင်းမှာ ဝင်ရောက် ပစ်ခတ်ခဲ့ပြီး ၊ မြို့နယ် စီမံအုပ်ချုပ်ရေးအဖွဲ့ဝင် ဗိုလ်မှူးကျော်မင်းဟန် ပွဲချင်းပြီး သေသွားတယ်လို့ ဗန်းမောက် ဒေသခံတွေဆီကနေ သိရပါတယ်။
– ကရင်အမျိုးသားအစည်းအရုံး KNU တပ်မဟာ ၃ စီမံအုပ်ချုပ်နယ်မြေ ၊ ညောင်လေးပင်ခရိုင်၊ မုန်းမြို့ နယ် အတွင်းမှာ အကြမ်းဖက် စစ်ကောင်စီတပ် နဲ့ KNLA တပ်ရင်း ၈ ကြား ၊ ဩဂုတ်လ ၅ ရက်၊ ၆ ရက် နဲ့ ၁၀ ရက်နေ့တွေမှာ တိုက်ပွဲ ၄ ကြိမ်ဖြစ်ပွားခဲ့တဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
