Khit Thit သတင်းဌာန၏ ဩဂုတ်၁၃ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ် ဒီကနေ့ ဩဂုတ် ၁၃ ရက် နေ့လယ်ပိုင်း ရရှိထားတဲ့သတင်းတွေကတော့ -ရန်ကုန်တိုင်း၊ သင်္ဃန်းကျွန်းမြို့နယ် ၊ လ၀ကရုံး ပစ်ခတ်မှုမှာ မြို့ပြပျောက်ကျား ရဲဘော်တွေကို ဖမ်းဆီးဖို့ ဝင်လုံးခဲ့တဲ့ လ၀ကမှူး ကျော်မိုး ဟာ သေသွားပြီဖြစ်တဲ့အပြင် သူ့ကို ဩဂုတ်လ ၁၄ ရက် ၊ တနင်္ဂနွေနေ့ ၊ မွန်းလွဲ ၁ နာရီ ၊ ရေဝေးသုဿာန်မှာ သဂြိုလ်မှာဖြစ်တယ်လို့ မိသားစု ရဲ့ နာရေး ကြော်ငြာချက်အရ သိရပါတယ်။ – မင်းအောင်လှိုင်ကို “ဂုဏ်သရေရှိ ဝန်ကြီးချုပ်” လို့ အမည်တပ်ပြီး စာပေးပို့မိတာဟာ မှားယွင်းပေးပို့မိတာ ဖြစ်တယ်လို့ HRW-Human Right Watch အဖွဲ့က ဝန်ခံတောင်းပန်ပြီး ၊ စာပေးပို့မှုကို ပြန်လည်ရုပ်သိမ်းတယ်လို့ တရားဝင်ကြေညာလိုက်ပါတယ်။ -စစ်ကိုင်းတိုင်း၊ မုံရွာမြို့မှာရှိတဲ့ အကြမ်းဖက် စစ်ကောင်စီ ရဲ့ အနောက်မြောက်တိုင်း စစ်ဌာနချုပ် (နမခ) အတွင်း ကို ဩဂုတ်လ ၁၂ ရက်နေ့ ညနေပိုင်းမှာ ဒေသကာကွယ်ရေးတပ်ဖွဲ့တွေက လက်နက်ကြီးတွေ နဲ့ ၁၈ ကြိမ် ပစ်ခတ်တိုက်ခိုက်ခဲ့တယ်လို့ Chindwin Attack Force ကနေ သတင်းထုတ်ပြန်ထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။