“ရိုဟင်ဂျာတွေ လက်ထပ်ဖို့ဆိုရင် စစ်တပ်ဆီက ခွင့်ပြုချက်ယူရတယ်။ သူတို့ခွင့်ပြုချက်ရဖို့ လေးငါးခြောက်နှစ် စောင့်ရတဲ့အပြင် ပိုက်ဆံသိန်းနဲ့ချီပြီး ပေးရတယ်။ နောက်ပြီးတော့ သတို့သား သတို့သမီးတွေကို စစ်ဆေးစရာ ရှိတယ် ဆိုပြီးခေါ်တယ်။ ပြီးတော့ သတို့သမီးတွေကို စစ်တပ်က မုဒိမ်းကျင့်တယ်”
Free Rohingya Coalition ၏ ပူးတွဲတည်ထောင်သူ ရိုနေဆန်းလွင် နှင့်တွေ့ဆုံမေးမြန်းခြင်း ( နိဂုံး )
By ရန်ကုန်ခေတ်သစ်
ပြည်သူတွေကို သတ်ဖြတ်နေတဲ့ စစ်ရာဇဝတ်ကောင် မင်းအောင်လှိုင်နဲ့ စစ်ခေါင်း ဆောင်တွေကို ICC တရားရုံးဆီကိုပို့ဖို့ အမေရိကန်က ထောက်ခံတယ်လို့ ပြောဆိုလိုက်ပါပြီ ။
ICJ မှာလည်း မြန်မာနိုင်ငံကို တရားစွဲဆိုထားတဲ့ ဂမ်ဘီယာနိုင်ငံဘက်ကနေ အင်အားကြီးတဲ့ ဗြိတိန်၊ နယ်သာလန်၊ ကနေဒါ၊ ဂျာမဏီနဲ့ မော်လဒိုက်နိုင်ငံတွေက တရားလို နိုင်ငံတွေ အဖြစ် ထပ်မံပါဝင်လာပါတယ်။
ပြီးခဲ့တဲ့ ပထမပိုင်းမှာတော့ ICC ၊ ICJ နဲ့ အာဂျင်တီးနားတရားရုံးတွေမှာ မင်းအောင်လှိုင်နဲ့ စစ်ခေါင်းဆောင်တွေ ကို ထိထိ ရောက် ရောက် အရေးယူဖို့အတွက် ဘယ်လောက်ကြာဦးမလဲဆိုတာတွေ နဲ့စစ်ရာဇဝတ် ကောင် မင်းအောင်လှိုင်နဲ့ စစ်ခေါင်းဆောင်တွေကို နိုင်ငံတကာ အရေးမယူ နိုင်အောင် ရုရှားနဲ့ တရုတ်တို့က တားဆီးပေး နိုင်မှာလား စတဲ့အကြောင်းအရာတွေကို လူ့အခွင့်အရေး တက်ကြွ လှုပ်ရှား သူလည်းဖြစ် Free Rohingya Coalition ၏ ပူးတွဲတည်ထောင်သူလည်း ဖြစ်တဲ့ ရိုနေဆန်းလွင်နဲ့ မေးမြန်းတင်ဆက်ခဲ့ပါတယ်။
အခု နိဂုံးပိုင်းမှာတော့ မြန်မာနိုင်ငံမှာ ဗိုလ်နေဝင်းဦးဆောင်တဲ့ စစ်တပ်က အာဏာ သိမ်းလိုက်ကတည်း ရိုဟင်ဂျာ တွေရဲ့ အခွင့်အရေးတွေဆုံးရှုံးသွားတာတွေ၊ စစ်အုပ်စုအသီးသီးက လူမျိုးရေးဘာသာရေး မှိုင်းတိုက်ထားတဲ့ အကြောင်းတွေ စစ်အုပ်စု အဆက်ဆက်ရဲ့ ရာဇဝတ်မှုကျူးလွန်ပုံတွေက နေရာဒေသ လူ မျိုး သာကွဲ သွားပေမယ့် ကျူးလွန်တဲ့ပုံစံတွေအကြောင်း ရန်ကုန်ခေတ်သစ်က မေးမြန်းထားပါတယ်။
