ရန်ကုန်၊ စက်တင်ဘာ ၁၃
ယောဒေသတွင် ဒေသခံ ပြည်သူများ ဦးဆောင်ကာ ယနေ့ စက်တင်ဘာလ ၁၃ ရက်နေ့၌ ကုလသမဂ္ဂဆိုင်ရာ မြန်မာသံအမတ်အဖြစ် ဦးကျော်မိုးထွန်းကို ဆက်လက်ခန့်ထားရေး ချီတက် ဆန္ဒပြခဲ့ကြောင်း သိရသည်။
ဆန္ဒပြပွဲ အခမ်းအနားကို The Youth Force (Saw&Kyaukhtu)မှ ဦးဆောင်ကာ ဆန္ဒပြပြည်သူများကို လုံခြုံရေး ယူပေးခဲ့ပြီး ကျေးရွာကာကွယ်ရေးတပ်ဖွဲ့များနှင့် ဆောမြို့နယ် ပ.က.ဖ အဖွဲ့ဝင်များလည်း တက်ရောက်ခဲ့ကာ အခမ်းအနားတွင် ဒေသခံပြည်သူလူထုရာနဲ့ချီ တက်ရောက်ခဲ့ကြပြီး သံအမတ်ကြီး ဦးကျော်မိုးထွန်းကို UN မှာ ဆက်လက်ထားရှိရေး ၊ NUG အစိုးရသာလျှင် ပြည်သူ့အစိုးရဖြစ်ကြောင်း ၊ စစ်အာဏာရှင်ကို လုံးဝ (လုံးဝ) လက်မခံကြောင်း ကြွေးကြော်သံများဖြင့် ဆန္ဒထုတ်ဖော်ခဲ့ကြကြောင်း သိရသည်။
