ရန်ကုန်၊ စက်တင်ဘာ ၂၄
ကရင်ပြည်နယ်၊ ကြာအင်းဆိပ်ကြီး မြို့နယ်တွင် ခမရ ၅၅၆ မှ အသက် (၃၄) နှစ်အရွယ် ဗိုလ်မှူးဝင်းမင်းခန့်ကို ယနေ့နံနက် ၉ နာရီဝန်းကျင်အချိန် တော်လှန် ရေး အဖွဲ့များက ဖမ်းဆီးရမိခဲ့ကြောင်း တော်လှန်ရေးအဖွဲ့ဘက်က ရန်ကုန်ခေတ် သစ်သတင်းဌာနထံသို့ ပြောဆိုသည်။
ဗိုလ်မှူးဝင်းမင်းခန့်သည် ကြာအင်းဆိပ်ကြီးမြို့နယ် ခလရ ၃၂ သို့ ဆက်သွယ်ရေးစက် များသွားရောက်ပို့ဆောင်စဉ် KNLA နှင့် PDF ပူးပေါင်းတပ်ဖွဲ့ဝင်များ ၏ စစ်ဆေးရေးဂိတ်တွင် ဖမ်းဆီးရမိခဲ့ခြင်းဖြစ်ကြောင်း ၊ ဗိုလ်မှူးဝင်းမင်းထံမှ ဆက်သွယ်ရေး စက် (၆) လုံး၊ MA5 တစ်လက်၊ ၉ မမကျည် (၅) တောင့်နှင့် ဖုန်း ၂ လုံး သိမ်းဆည်းရမိခဲ့ကြောင်း၊ ဗိုလ်မှူးဝင်းမင်းခန့်ကို စစ်သုံ့ပန်းစည်းမျဉ်းစည်းကမ်းများနှင့်အညီ ထိန်းသိမ်းထားကြောင်း တော်လှန်ရေးအဖွဲ့များထံမှ သိရှိရသည်။
