ရန်ကုန်၊ စက်တင်ဘာ ၂၄
ဗြိတိန်၊ လန်ဒန်ရှိ အမှတ် ၁၀ ဒေါင်းနင်းလမ်း၊ ဝန်ကြီး ချုပ်အိမ်ရှေ့တွင် ကုလသံအမတ်ကြီး ဦးကျော်မိုးထွန်းကို ဆက်လက်ထားရှိရေးနှင့် NUG အစိုးရကို အသိအမှတ်ပြုရေး ယနေ့ မွန်းလွဲ ၁ နာရီအချိန် ဆန္ဒပြကြသည်။
UKရောက်မြန်မာတိုင်းရင်းသားများစုပေါင်း၍ Londonမြို့ အမှတ် ၁၀ ဒေါင်းနင်းလမ်း ဝန်ကြီးချုပ်နေအိမ်ရှေ့တွင် သံအမတ်ကြီး ဦးကျော်မိုးထွန်းအား ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်အဖြစ် ဆက်လက်ခန့်အပ်ရေး ထောက်ခံဆန္ဒပြကြခြင်းဖြစ်ကြောင်း၊ ဆန္ဒပြပွဲတွင် UKနိုင်ငံခြားရေးဌာနသို့ မြန်မာပြည်သူများက ပေးပို့ထားသော တောင်းဆိုစာကိုဖတ်ကြားပြီး ပြည်သူ့အသံကို ကိုယ်စားပြုသည့် သံအမတ်ကြီး ဦးကျော်မိုးထွန်းအား ထောက်ခံပေးရန် ၊ NUG အစိုးရကိုအသိအမှတ်ပြုရန်၊ အကြမ်းဖက် စစ်ကောင်စီအား အသိအမှတ်မပြု ရှုံ့ချရန် ကြွေးကြော်သံများဖြင့် တောင်းဆိုကြသည်။
UK ဝန်ကြီးချုပ်နေအိမ်ရှိရာသို့ လာရောက်လည်ပတ်ကြသော နိုင်ငံခြား ခရီးသွားဧည့်သည်များ အပြင် မြန်မာ့အရေး စိတ်ဝင်စားကြသော UK ပြည်သူများကလည်း စိတ်ဝင်တစား လာရောက်ဆွေးနွေးကြရာ သိလိုသည်များဖြေကြား၍ ပြန်လည်ဆွေးနွေးကြသည်။
