ရန်ကုန်၊ စက်တင်ဘာ ၃၀
မန္တလေးတိုင်း မတ္တရာမြို့နယ် အတွင်း ဧရာဝတီမြစ်ရိုးတစ်လျှောက်တွင် ဓားပြမှုပေါင်း များစွာ ကျူးလွန်လျက် ရှိသော အဖွဲ့ဝင် အင်အား ၁၅ ဦး ပါ နာမည် ကြီး ဓားပြ ဂိုဏ်း တစ်ခု ကို တိုက်ရာပါပစ္စည်းများ၊ လက်နက်များနှင့်အတူ ရွှေဘိုခရိုင် PDF တပ်ရင်း ၁၈ ဖော်ထုတ်အရေးယူလိုက်ကြောင်း အဆိုပါတပ်ရင်းမှ ရဲဘော်တစ်ဦးက ပြောသည်။
ဓားပြဂိုဏ်းက ကိုင်ဆောင်သော သက်သေခံ လက်နက်များနှင့် တကွ ဓားပြဂိုဏ်း အခြေပြုရာ စိန်ပန်းကုန်း ကျေးရွာ သို့ စစ်ကိုင်းတိုင်း ရွှေဘိုခရိုင် တပ်ရင်း (၁၈) က စက်တင်ဘာလ ၂၃ ရက်နေ့တွင် ဝင်ရောက်စီးနင်း ဖမ်းဆီး ခဲ့ ပြီး
တပ်ရင်းမှ ရဲဘော်များ ထိခိုက်မှု လုံးဝ မရှိဘဲ ဓားပြခေါင်းဆောင် နိုင်ဝင်းနှင့် ငြိမ်းဇော် အပါအဝင် အင်အား (၁၅) ယောက် ကို သက်သေခံပစ္စည်း များစွာဖြင့် ဖမ်းဆီး ရမိခဲ့ ကြောင်း သိရှိရသည်။
လတ်တလော ဖမ်းဆီးရရှိမှု အခြေအနေကို NUG ကာကွယ်ရေးဝန်ကြီးဌာနထံတွင် တင်ပြထားပြီး ဆက်လက် အရေးယူမှုကို MOD လမ်းညွှန်ချက်အတိုင်းဆောင်ရွက်မည်ဖြစ်ကြောင်း သိရှိရသည်။
“လောလောဆယ်တော့ MODကိုတင်ထားတယ်ဗျ။ အဲဒီကဘာလုပ်ရမယ်မပြောခင်ထိ စခန်းမှာပဲထိန်းသိမ်းထားမယ်တဲ့”ဟု အဆိုပါတပ်ရင်းမှ ရဲဘော်တစ်ဦးက ဆိုသည်။
