Khit Thit သတင်းဌာန၏ အောက်တိုဘာ ၁၃ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ အောက်တိုဘာ ၁၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၁၃ ရက် နေ့လယ်ပိုင်းတင်ဆက်ပေးမယ့် သတင်းတွေကတော့ -အကြမ်းဖက်စစ်ကောင်စီ လက်အောက်မှာ တာဝန်ထမ်းဆောင်ပြီး ပြည်သူကို စာနာမှု မရှိ သတ်ဖြတ် ဗုံးကျဲနေတဲ့ စစ်ကောင်စီရဲ့ (ရန်ကုန်) လေတပ်က ရဟတ်ယာဉ် နဲ့ တိုက်လေယာဉ်မောင်းသူ ပိုင်းလော့ ၁၅ ဦးရဲ့ အမည်စာရင်းကို ဒုတိယအကြိမ် ထပ်မံထွက်ပေါ်လာပါတယ်။ – မကွေးတိုင်း ၊ ရေစကြိုမြို့နယ်မှာ အောက်တိုဘာလ ၁၁ ရက်နေ့က လက်ဖက်ရည်ဆိုင် ထိုင်နေတဲ့ စစ်ကောင်စီ တပ်သား နဲ့ ပျူစောထီးတွေ ပစ်ခတ် တိုက်ခိုက်ခံရပြီး ၁ ဦးသေ သွားတယ်လို့ Black Wolf PDF-MDY အဖွဲ့ဆီကနေ သိရပါတယ်။ -မန္တလေးတိုင်း၊ ကျောက်ဆည်မြို့နယ်၊ ဆင်အကပြိုင်ပွဲကို ကျင်းပဖို့အတွက် အကြမ်းဖက် စစ်ကောင်စီက အောက်တိုဘာလ ၁၁ ရက်နေ့မှာ အစည်းအဝေးခေါ်ယူပြီး ၂၀၁၉ ခုနှစ် မှာ ပါဝင်ယှဉ်ပြိုင်ခဲ့တဲ့ ဆင်အက အဖွဲ့တွေ အားလုံး မဖြစ်/မနေ ဝင်ပြိုင်ရမယ်ပြောပြီး ၊ မပြိုင်ဘူးဆိုရင် ဖမ်းဆီးထောင်ချမယ်လို့ ခြိမ်း ခြောက်ခဲ့တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။