ရန်ကုန်၊ အောက်တိုဘာ ၁၈
စစ်ကိုင်းတိုင်း ခင်ဦးမြို့နယ် ဧရာ၀တီမြစ်အတွင်း မူးယစ်ဆေး သယ်ဆောင်လာသူ ၂ ဦးကို PDF တပ်ဖွဲ့က ဖမ်းဆီးရမိ ခဲ့ကြောင်း သိရသည်။
ဧရာ၀တီမြစ်အတွင်း ယနေ့ အောက်တိုဘာလ ၁၈ ရက်နေ့ နံနက် ၇ နာရီခန့်တွင် လှေ ၁ စီးအား သေမင်းတမာန် အဖွဲနှင့် တောကြီးကျားရိုင်းအဖွဲ့မှ စစ်ဆေးနေစဥ် မူးယစ်ဆေး သယ်ဆောင်လာသူ ၂ ဦးကို ဖမ်းဆီးနိုင်ခဲ့ခြင်း ဖြစ်ကြောင်း သိရသည်။
” ဧရာဝတီမြစ်ထဲမှာ ဒီနေ့ ၁၈ ရက်နေ့ နံနက် ၇ နာရီလောက်မှာ ကျွန်တော်တို့ ခင်ဦး ရှေ့ပိုင်း မြစ်နောက်ဘက်ကမ်းကနေ တက်လာတဲ့ လှေ ၁ စီးကို စစ်လိုက်တယ်။ ကျံန်တော်တို့ မူးယစ်ဆေးဝါးတွေ့ရှိပြီး ဖမ်းဆီးနိုင်ခဲ့တယ်” ဟု တောကြီးကျားရိုင်းအဖွဲ့မှ တာဝန်ရှိသူ တစ်ဦးကပြောဆိုသည်။
