Khit Thit သတင်းဌာန၏ ဖေဖော်ဝါရီ ၁၀ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ဖေဖော်ဝါရီ ၁၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
-ချင်းပြည်နယ်၊ ထန်တလန်မြို့နယ်မှာရှိတဲ့ အကြမ်းဖက် စစ်ကောင်စီလက်အောက်ခံ ထန်တလန် မြို့နယ်ရဲ တပ်ဖွဲ့မှူးရုံးကို ဖေဖော်ဝါရီလ ၉ ရက်နေ့က ချင်းတိုင်းရင်းသား ကာကွယ်ရေးတပ်ဖွဲ့တွေကနေ တိုက်ခိုက်သိမ်းပိုက်လိုက်တာကို စစ်ကောင်စီဘက်က သတင်းထုတ်ပြန်ရာမှာ ရဲတပ် ဖွဲ့ဝင်များ အောင်မြင်စွာဆုတ်ခွာနိုင်ခဲ့တယ်ဆိုပြီး သတင်းထုတ်ပြန်ထားပါတယ်။
– မန္တလေးတိုင်းမှာရှိတဲ့ အကြမ်းဖက် စစ်ကောင်စီရဲ့ တံတားဦးလေတပ်ကို ဖေဖော်ဝါရီလ ၉ ရက်နေ့ ညပိုင်းမှာ ပြည်သူ့ကာကွယ်ရေးတပ်ဖွဲ့တွေက လက်နက်ကြီး ၄ လုံးနဲ့ ပစ်ခတ်တိုက်ခိုက်ခဲ့သလို ၊ ထိခိုက် ပျက်စီးဆုံးရှုံးမှု အခြေအနေကိုတော့ မသိရသေးဘူးလို့ တော်လှန်ရေး သတင်းရင်းမြစ်တွေဆီကနေ သိရပါတယ်။
– မကွေးတိုင်း၊ အောင်လံမြို့နယ်၊ ကျွဲခေါင်း ကျေးရွာအနောက်ဘက်မှာ ဖေဖော်ဝါရီလ ၈ ရက်နေ့က အကြမ်းဖက်စစ်ကောင်စီတပ်သားတွေနဲ့ ပျူစောထီးတွေကို ပြည်သူ့ကာကွယ်ရေးတပ်ဖွဲ့တွေက ခြုံခိုတိုက်ခိုက်မှာ စစ်ကောင်စီတပ်သား ၄ ဦးသေသွားတဲ့အပြင် ဗိုလ်တစ်ဦးအပါအဝင် ၃ ဦး ကတော့ ပြင်းထန် ဒဏ်ရာ ရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
