Khit Thit သတင်းဌာန၏ မတ် ၁၅ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၁၅ ရက် ညနေပိုင်းတင်ဆက်ပေးမယ့်သတင်းတွေကတော့
– ဘာရိန်းနိုင်ငံ၊ မနားမားမြို့မှာ ကျင်းပနေတဲ့ ၁၄၆ ကြိမ်မြောက် နိုင်ငံတကာ ပါလီမန်များ ညီလာခံ နဲ့ ဆက်စပ် အစည်းအဝေးတွေမှာ မြန်မာ စစ်ကောင်စီ ရဲ့ လွှတ်တော် ကိုယ်စားလှယ်တွေ အပေါ် လူ့အခွင့်အရေး ချိုးဖောက်နေမှုတွေကို NUG ဝန်ကြီး ဒေါက်တာဝင်းမြတ်အေး ခေါင်းဆောင်တဲ့ မြန်မာ လွှတ်တော်ကိုယ်စားလှယ်အဖွဲ့ ကနေ တက်ရောက်တင်ပြဆွေးနွေးခဲ့တယ်လို့ သိရပါတယ်။
– စစ်ကိုင်းတိုင်း၊ ဘုတလင်မြို့အဝင်မှာရှိတဲ့ အကြမ်းဖက် စစ်ကောင်စီတပ် စွဲထားတဲ့ သစ်တောရုံးနဲ့ ပြည်သူတွေဆီကနေ ဆက်ကြေးကောက်ပြီး မသင်္ကာဘူးဆိုတဲ့ အကြောင်းပြချက်နဲ့ ပြည်သူတချို့ကို ဖမ်းဆီးတာတွေလုပ်နေတဲ့ စစ်ကောင်စီတပ်ရဲ့ ကြောင်ပန်းစစ်ဆေးရေး ဂိတ်ကိုပါ ပြည်သူ့ကာကွယ်ရေး တပ်ဖွဲ့တွေက ဝင်ရောက် တိုက်ခိုက်ခဲ့တယ်လို့ သိရပါတယ်။
– မကွေးတိုင်း၊ ပေါက်မြို့နယ်၊ ရိုးဇရပ်ရွာကနေ ကင်းပုန်းဝပ်ဖို့ ထွက်လာတဲ့ အကြမ်းဖက် စစ်ကော်စီ တပ်သားတွေကို ပြည်သူ့ကာကွယ်ရေးတပ်ဖွဲ့တွေက မိုင်းဆွဲ တိုက်ခိုက်ရာမှာ စစ်ကောင်စီဘက်က ၁၀ ဦးသေသွားပြီး ၊ ကျည်ဆံအချို့ကိုပါ သိမ်းဆည်းရရှိခဲ့တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
