ဖက်ဆစ်တော်လှန်ရေးနေ့ ရန်ကုန်တိုင်း၊ သာကေတ၊ အင်းစိန်နှင့်မြောက် ဒဂုံမြို့ နယ်များတွင် ဗုံးများ ဆက်တိုက်ပေါက်ကွဲ
ရန်ကုန်၊ မတ် ၂၇
ရန်ကုန်တိုင်း၊ အင်းစိန်မြို့နယ်၊ သာကေတမြို့နယ်၊ ဒဂုံမြို့သစ်မြောက်ပိုင်း မြို့ နယ် များတွင် ယနေ့ ဖက်ဆစ်တော်လှန်ရေးနေ့တွင် ဗုံးများပေါက်ကွဲ ကြောင်း ဒေသပြည်သူများထံမှ သိရှိရသည်။
မတ်လ ၂၇ ရက်နေ့ နံနက် ၂ နာရီ ၁၅ မိနစ်အချိန် ဒဂုံမြို့သစ်မြောက် ပိုင်းမြို့ နယ်တွင် ဗုံးပေါက်ကွဲသံ ၂ ချက်ကြားရပြီး ပေါက်ကွဲမှုနှင့်အတူ နေအိမ်များပါ တုန်ခါသွားကြောင်း သိရှိရသည်။
“ဒီမနက် ၂ နာရီ ၁၅ မိနစ်အချိန်မှာ ဗုံးပေါက်တာ အသံက အတော်ကို ကျယ် တယ်။ မြေကြီးတွေ အိမ်တွေတောင် တုန်သွားတယ်။ ရှော့တိုက်ဒုံး ပစ်တာ လားလို့တောင် ထင်မိတယ်။ ဘယ်နေရာမှာ ပေါက်တာလဲတော့ သေချာ မသိဘူး” ဟု ဒေသပြည်သူတစ်ဦးက ဆိုသည်။
အလားတူ မတ် ၂၇ ရက်နေ့ နံနက် ၆ နာရီ ၄၀ မိနစ်အချိန် သာကေတမြို့နယ်၊ ၇ စျေးလမ်းမပေါ်တွင်လည်း ယနေ့ နံနက်ပိုင်း ပေါက်ကွဲမှုဖြစ်ပေါ်ပြီး အကြမ်းဖက် စစ်တပ်နှင့်ရဲများက လာရောက် စစ်ဆေးမှုများရှိကြောင်း သိရှိရသည်။
ထို့ပြင် အင်းစိန်မြို့နယ်အတွင်းတွင်လည်း ယနေ့ နံနက် ၇ နာရီ ၅၅ မိနစ်အချိန် ဗုံးပေါက်ကွဲသံအလွန်ကျယ်လောင်စွာ ကြားရကြောင်း ရန်ကုန် ကင်းထောက် Eagles News က သတင်းဖော်ပြသည်။
“ဗုံးပေါက်သံတော့ကြားလိုက်တယ်။ နေရာတော့ အတိအကျ မသိပါဘူး။ ဗုံး ပေါက် တာတော့ ဟုတ်တယ်။ ” ဟု အင်းစိန်မြို့နယ်၊ မျိုးချစ်လမ်းတွင် နေထိုင် သူ ပြည်သူတစ်ဦးက ပြောဆိုသည်။
ဓာတ်ပုံ- ရန်ကုန်တွင် ကင်းလှည့်နေသော အကြမ်းဖက်စစ်သားများ။ (ပုံအ ဟောင်း ဖြစ်သည်။)
