News

ရန်ကုန်၊ ဇူလိုင် ၁  ကရင်ပြည်နယ်၊ ဖာပွန်မြို့၊ KNU တပ်မဟာ ၅ နယ်မြေ အတွင်းသို့ နယ်ကျွံ့လာသည့် စစ်ကောင်စီတပ်၏ အိမ်စီးကား ပစ်ခတ်တိုက်ခိုက်ခံရပြီး စစ်ကောင်စီတပ်ဖွဲ့ဝင် ၅ ဦးသေဆုံး ကာ ၄၀ မမ ဗုံးပစ်လက်နက် အပါအဝင်လက်နက် ၅ လက်နှင့် ခဲယမ်းများရရှိကြောင်း ဗမာပြည်သူ့လွတ်မြောက်ရေးတပ်တော် (BPLA)က သတင်းထုတ်ပြန်သည်။  ယနေ့ ဇူလိုင် ၁ ရက်နေ့ နံနက် ၁၁ နာရီအချိန်  ကရင်အမျိုးသားလွတ်မြောက်ရေးတပ်မတော်(KNLA)နှင့် ဗမာပြည်သူ့လွတ်မြောက်ရေးတပ်တော်(BPLA) မှ တပ်ဖွဲ့ဝင်မျာက  KNU/KNLA တပ်မဟာ ၅၊ ဖာပွန်မြို့အနီး ရှေ့တန်းတစ်နေရာ၌ မိုင်းထောင်/ကင်းပတ်နေစဥ်  စစ်ကောင်စီတပ်ဖွဲ့ဝင်များမောင်းနှင်လာသည့် ကားငယ်တစ်စီး နယ်ကျွံဝင်လာသည့်အတွက် မိနစ်(၂၀)ခန့် တိုက်ပွဲဖြစ်ပွါးခဲ့ကြောင်း၊   အဆိုပါကားမှာ ပျက်စီးသွားပြီး ကားပေါ်ပါ စစ်ကောင်စီတပ်ဖွဲ့ဝင် ၅ ဦးစလုံး သေဆုံးကြောင်း သိရှိရသည်။  သေဆုံးသွားသော စစ်သား ၅ ဦးထံမှ  ၄၀ မမ - ၁ လက်၊ AK - ၂ လက်၊ M4 carbine - ၁ လက်၊ G3 - ၁ လက်၊လက်ပစ်ဗုံး - ၃ လုံး၊ ကျည်နှင့် ရိက္ခာအနည်းငယ်တို့ကို သိမ်းဆည်းရရှိထားကြောင်း  ဗမာပြည်သူ့လွတ်မြောက်ရေးတပ်တော်(BPLA)က သတင်းထုတ်ပြန်သည်။  ဓာတ်ပုံ- BPLA တပ်ဖွဲ့ဝင်များ။

ရန်ကုန်၊ ဇူလိုင် ၁  မကွေးတိုင်း၊ မြိုင်မြို့နယ်တောင်ပိုင်း၊ သရက်ကန်ရွာရှိ စစ်တပ်နှင့် ပျူစောထီးအဖွဲ့များ တပ်စွဲထားသော စခန်းကိုဇွန်လ ၃၀ ရက်နေ့ ည ၁၀ နာရီခန့်တွင် ဒေသခံ ကာကွယ်ရေး တပ်ဖွဲ့များက လက်လုပ် လက်နက်ကြီး များဖြင့်ပစ်ခတ် တိုက်ခိုက်ခဲ့ပြီး စစ်သားနှင့် ပျူစောထီး ၃ ဦးသေဆုံးခဲ့ကြောင်း ဝံပုလွေ​ ပြောက် ကျား တပ်ဖွဲ့(မြိုင်) ထံမှသိရသည်။  အဆိုပါ တပ်စခန်းကို ဝံပုလွေ​ ပြောက်ကျား တပ်ဖွဲ့(မြိုင်)၊ မြိုင်မြို့နယ် ဂဠုန် ပြည်သူ့ကာကွယ်ရေးတပ် MGPDF၊အနောက်လွင်ပြင် ပြည်သူ့ကာကွယ်ရေးတပ်ဖွဲ့၊ Myaing Warriores တပ်ဖွဲ့၊ ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ နှင့် ဒေသခံ ပြည်သူ့ကာကွယ်ရေးတပ် မဟာမိတ် ညီနောင် ပူးပေါင်းအဖွဲ့များက တာဝေးပစ် လက်လုပ်လက်နက် ကြီးများဖြင့် အချက် ၂၀ ခန့် ပစ်ခတ် တိုက်ခိုက် ခဲ့ပြီး စစ်သားနှင့် ပျူစောထီး ၃ ဦးသေဆုံးပြီး အများအပြား ထိခိုက် ဒဏ်ရာရရှိခဲ့ကာ ည ၁၀ နာရီ ၃၀ မိနစ် တွင် ကာကွယ်ရေး တပ်ဖွဲ့များ အထိအခိုက် မရှိ အောင်မြင်စွာ ဆုတ်ခွာနိုင်ခဲ့ကြောင်း သိရသည်။  အလားတူ စစ်ကိုင်းတိုင်း တန့်ဆည်မြို့နယ် အင်္ကုက္ကားရွာတွင် တပ်စွဲထားသော အကြမ်းဖက် စစ်တပ် စစ်ကြောင်းကင်းပတ်စဥ် ယနေ့ ဇူလိုင်လ ၁ ရက်နေ့ ည ၉ နာရီခန့်တွင် ဒေသခံ ကာကွယ်ရေး တပ်ဖွဲ့များက မိုင်းဆွဲတိုက်ခဲ့ပြီးစစ်သားများ ထိခိုက်သေဆုံးမှု ရှိသော်လည်း အရေအတွက် အတည် မပြုနိုင်သေးကြောင်း နယ်မြေခံ သတင်းရင်းမြစ်များ ထံမှ သိရသည်။  အကြမ်းဖက် စစ်တပ် ကင်းပတ် စစ်ကြောင်းသည် အင်္ကုက္ကားရွာ အနောက်ဘက်ရှိ ကျွန်းပင်တန်းနားတင် မိုင်းဆွဲခံရခြင်းဖြစ်ပြီး အထိအခိုက် အသေ အပျောက် ရှိနိုင်သော်လည်း အရေအတွက် အတည်မပြုနိုင်သေးဘဲ ပေါက်ကွဲမှုဖြစ်ပွားသည့် နေရာသို့ စစ်တပ် စစ်ကြောင်းများ ထပ်မံ ရောက်ရှိလာပြီး ဓာတ်မီးများဖြင့် ထိုးကာ ရှာဖွေမှုများပြုလုပ်နေကြောင်း သိရသည်။

ရန်ကုန်၊ ဇူလိုင် ၁  စစ်တပ်အမာခံ၊ ဘာသာရေးနှင့် အမျိုးသားရေး အစွန်းရောက် ဖြစ်ပြီး Myanmar National Organization MNO ဥက္ကဋ္ဌ တင့်လွင်သည် ယနေ့ မြောက်ဥက္ကလာပတွင် ပစ်ခတ်ခံရပြီး ဒဏ်ရာ အပြင်းအထန်ရရှိကာ အသက်အန္တရာယ်စိုးရိမ်နေရကြောင်း သိရှိရသည်။  ယနေ့ ဇူလိုင် ၁ ရက်နေ့ နံနက်...

ရန်ကုန်၊ ဇူလိုင် ၁  စစ်ကိုင်းတိုင်း၊ ကသာခရိုင်၊ ဗန်းမောက်မြို့နယ်တွင် ဇွန်လ ၃၀ ရက်နေ့ ဖြစ်ပွားသော တိုက်ပွဲတွင် စစ်ကောင်စီဘက်မှ ၂၀ ကျော်သေဆုံးပြီး ဖမ်းဆီးရမိသော စစ်သုံ့ပန်း စစ်သားများကို ကောင်းမွန်စွာ ဆေးကုသပေးထားကြောင်း အမျိုး သားညီညွတ်ရေးအစိုးရ NUG ကာကွယ်ရေးဝန်ကြီးဌာနက သတင်းထုတ်ပြန်သည်။ ဇွန်လ ၃၀...

ရန်ကုန်၊ ဇူလိုင် ၁ ထိုင်းနိုင်ငံအတွင်းသို့ ဇွန်လ ၃၀ ရက်နေ့တွင် အကြမ်းဖက်စစ်ကောင်စီ၏ တိုက် လေယာဉ်တစ်စင်း ကျူးကျော်ဝင်ရောက်မှုအတွက် မြန်မာဘက်က တောင်းပန်ထားပြီးဖြစ်၍ ပြဿနာမဟုတ်ကြောင်း ထိုင်းဝန်ကြီးချုပ်ပရာယွတ်က ပြောဆိုလိုက်မှုကို ထိုင်းပြည်သူများက လှောင်ပြောင်လျက်ရှိနေကြောင်း သိရှိရသည်။ ထိုင်းဝန်ကြီးချုပ်ပရာယွတ်က စစ်ကောင်စီ၏ တိုက်လေယာဉ်သည် ရည်ရွယ် ချက်ရှိရှိ ကျူးကျော်ခြင်းမဟုတ်ဘဲ မြန်မာဘက်ကလည်း...

ရန်ကုန်၊ ဇူလိုင် ၁ ကရင်နီပြည်နယ်၊ လွိုင်ကော်-လောပိတ လမ်းမကြီးပေါ်တွင် အကြမ်းဖက်စစ်ကောင်စီ၏ ရိက္ခာသယ်ပို့သည့် ကား၁ စီးကို ယမန်နေ့ ဇွန်လ ၃၀ ရက်နေ့ နံနက် ၈ နာရီ ၄၅ မိနစ်တွင် ကင်းလှည့်နေသည့် KNDF တပ်ရင်း ၁၀ တပ်ဖွဲ့ကတွေ့ရှိပြီး ပစ်ခတ်ရှင်းလင်းရာ စစ်ကောင်စီဘက်မှ ၄ ဦး သေဆုံးခဲ့ပြီး ထိုအထဲတွင် ရဲအုပ် ဝင်းဇော်သိန်းဆိုသူပါဝင်ကြောင်း သတင်းရရှိသည်။ ရဲအုပ်ဝင်းဇော်သိန်းသည် မိတ္ထီလာ၊ ရှမ်းမငယ်ရဲစခန်းမှ ပြောင်းလာသူဖြစ်ပြီး ကရင်နီပြည်နယ်တွင် ရောက်ရှိနေသည်မှာ ၆ လဝန်းကျင်သာ ရှိသေးကြောင်း ၎င်းနှင့် နီးစပ်သူများထံမှ သိရှိရသည်။ ၂၀ မိနစ်ခန့် ထိတွေ့ တိုက်ပွဲဖြစ်ပွားခဲ့ပြီး စစ်ကောင်စီ ယာဉ်ပေါ်မှ ၉ မမပစ္စတို ၁ လက်၊ ကျည် ၁၂ တောင့်နှင့် ဖုန်း ၂လုံးတို့ကို သိမ်းဆည်းရမိခဲ့ကာ တစ်စုံတစ်ရာ ထိခိုက်မှုမရှိ ပြန်လည်ဆုတ်ခွာနိုင်ခဲ့ကြောင်း KNDF က ဆိုသည်။ ပစ်ခတ်မှုဖြစ်ပွားပြီးနောက် အကြမ်းဖက် စစ်ကောင်စီ၏ လောပိတအခြေစိုက် ခလရ ၇၂ တပ်ရင်းက တိုက်ပွဲဖြစ်ပွားရာအနီးရှိ ကျေးရွာများဖက်သို့ လက်နက်ကြီးများ ရမ်းသမ်းပစ်ခတ်ခဲ့ပြီး လေးအိမ်စုရွာအတွင်းလက်နက်ကြီးကျရောက်၍ နေအိမ်တစ်လုံး ထိခိုက်ပျက်စီးခဲ့သည်ဟု KNDF က ထုတ်ပြန်ထားသည်။ အလားတူ မကွေးတိုင်း၊ ဂန့်ဂေါမြို့နယ်၊ တောင်ခင်ရန်း နယ်မြေရဲစခန်းကို ဇွန်လ ၂၉ ရက် နံနက်တွင် ဒေသကာကွယ်ရေးတပ်ဖွဲ့များ ဝင်ရောက်တိုက်ခိုက်ရာ စခန်း ၁ ခုလုံး နီးပါး ပျက်စီးသွားပြီး စစ်ကောင်စီတပ်ဖွဲ့ဝင် ၈ ဦးသေဆုံးကြောင်း PDF ဂန့်ဂေါထံမှ သိရှိရသည်။ "မနက် ၄ နာရီမှာ PDF ဂန့်ဂေါခရိုင် တပ်ရင်း ၁ နဲ့ ပကဖ ပူးပေါင်းပြီး စခန်းသိန်းဖို့ ဝင်တိုက်တာ၊ တိုက်ပွဲ ၁ နာရီလောက် ဖြစ်တယ်။ စကစ ဘက်မှ ရမ်းပြီး ပြန်ပစ်လို့ တောင်ခင်ရန်းရွာထဲက နွား ၂ ကောင်သေတယ်။ ကျနော်တို့ပြန်ဆုတ်တဲ့အချိန်မှာ ရဲဘော် ၁ ဦး ပေါင်ကို ကျည်မှန်တယ်၊ မစိုးရိမ်ရဘူး၊ ပျူစောထီးတွေ သတင်းပေးပို့ချက်အရစစ်ကောင်စီဘက်က ၈ ယောက်သေတယ်။ ၃၀ ရက်နေ့မှာ မီးရှို့သဂြိုလ်တယ်လို့ သိရတယ်" ဟု PDF ဂန့်ဂေါတာဝန်ခံ လင်းညိုက ရန်ကုန်ခေတ်သစ်သို့ ပြောဆိုသည်။ ရဲစခန်းတိုက်ခိုက်ခံရပြီးနောက် အကြမ်းဖက်စစ်တပ်သည် ကလေးမြို့နှင့် ဂန့်ဂေါအစပ်သို့ လက်နက်ကြီးများပစ်ခတ်ကာ စစ်ကြောင်းထိုးနေပြီး ယမန်နေ့ ညနေပိုင်းတွင် မြင်သားကျေးရွာအနီးတွင် အင်အား ၁၀၀ ခန့်ဖြင့်စစ်ကြောင်းထိုးနေကြောင်း သိရှိရသည်။ အလားတူ စစ်ကိုင်းတိုင်း၊ ဘုတလင်မြို့နယ် ကူတော်ရဲစခန်းကို ဒေသကာကွယ်ရေးအဖွဲ့များက ဇွန်လ ၂၈ ရက်နေ့တွင် လက်နက်ကြီးများဖြင့် ပစ်ခတ်တိုက်ခိုက်ရာ စစ်ကောင်စီတပ်ဖွဲ့ဝင် ၆ ဦး သေဆုံးပြီး ဒဏ်ရာရသူများလည်းရှိကြောင်း Black Dragon Special Task Force က သတင်းထုတ်ပြန်သည်။ ကူတော်ရဲစခန်းအတွင်းသို့ ၁၂၀ မမ ၆ လုံး၊ ၄၀ မမ ၄ လုံး ပစ်သွင်းကျွေးမွေးခဲ့ပါသည်၊ ၁၂၀ မမသည် ကူတော်ရဲစခန်းရှိ ယာယီစခန်းအားပစ်မှတ်ထား ပစ်သွင်းခဲ့ပြီး ၄၀မမသည် ခွေးကင်းဝပ်ရာနေရာများ၊ ကောင်တာပြန်နိုင်သည့်နေရာများသို့ ဦးစားပေးပစ်သွင်းခဲ့ရာ ၁၂၀ မမ ၆ လုံးအနက် ၃ လုံးသည် ကူတော်ရဲစခန်းအတွင်းရှိ စစ်ခွေးများ၏ ယာယီဆောက်ထားသော စခန်းနေရာပေါ်သို့ ထိထိမိမိကျရောက်ခဲ့ကြောင်း Black Dragon Special Task Force က ထုတ်ပြန်ထားသည်။ အဆိုပါတိုက်ခိုက်မှုအား ကနောင် People's Defence Forceနှင့် Black Dragon Special Task Force အဖွဲ့တို့ပူးပေါင်းဆောင်ရွက်ခဲ့ခြင်းဖြစ်ပြီး ကူတော်ရဲစခန်းကို ၄ ကြိမ်မြောက် တိုက်ခိုက်ခြင်းဖြစ်ကြောင်း သိရှိရသည်။

ရန်ကုန်၊ ဇူလိုင် ၁ ကရင်အမျိုးသားအစည်းအရုံး KNU တပ်မဟာ ၆ ထိန်းချုပ်နယ်မြေ၊ လေးကေ့ကော်ဒေသရှိ တောင်ကုန်းတခုပေါ်သို့ ဇွန်လ ၂၉ ရက် ညနေပိုင်းတွင် လက်နက်ကြီး ပစ်ကူပြီး ၂ ကြိမ် စစ်ကြောင်းထိုး တက်လာသော အကြမ်းဖက်စစ်တပ်နှင့် Cobra စစ်ကြောင်းတို့ တိုက်ပွဲဖြစ်ပွားပြီး စစ်ကောင်စီဘက်မှ...

ရန်ကုန်၊ ဇူလိုင် ၁ ကရင်နီပြည်နယ်နှင့်ရှမ်းပြည်နယ်အစပ် ဖယ်ခုံမြို့နယ် လွယ်မကူးရွာ‌တောင် နှင့်လွယ်ဟယ်ရွာတို့တွင်တပ်စွဲထားသော စစ်တပ်ကို ယနေ့ နံနက်ပိုင်း အလယ် ပိုင်းတိုင်းအထူးစစ်ဆင်ရေး Sniper အဖွဲ့နှင့် Fighter အဖွဲ့တို့က စနိုက်ပါဖြင့် ပစ်ခတ်ရာ စစ်သား ၇ ဦး သေဆုံးကြောင်း အလယ်ပိုင်းတိုင်းအထူးစစ်ဆင်ရေးက သတင်းထုတ်ပြန်သည်။ ထို့ပြင် ဇွန်လ...

ရန်ကုန်၊ ဇူလိုင် ၁ ဧရာ၀တီမြစ်ကြောင်းတစ်လျှောက် ပြည်မြို့နှင့်သရက်မြို့တို့အနီးတွင် စစ်သင်္ဘောများ ဖြတ်သန်းသွားလာခဲ့ကြောင်း ဒေသခံများက ရန်ကုန်ခေတ်သစ်သတင်းဌာနထံ ပြောဆိုကြသည်။ ဇွန်လ ၃၀ ရက်နေ့ မွန်းလွဲ ၁ နာရီ ပဲခူးတိုင်း ပြည်မြို့ ကမ်းနားလမ်းတွင် စစ်ရေယာဉ် ၂ စီး လက်နက်အပြည့်အစုံဖြင့် ကမ်းကပ်ခေတ္တရပ်နားကြောင်း ဒေသခံတစ်ဦးက ဆိုသည်။ "ပြည်မြို့...

ရန်ကုန်၊ ဇူလိုင် ၁ စစ်ကိုင်းတိုင်း၊ခင်ဦးမြို့နယ်ရှိ မြင်းဒေါင်းကျေးရွာနှင့် သာဂရ ကျေးရွာ အနီးရှိ တံတားလုံခြုံရေးစောင့် စစ်ကောင်စီတပ်သားက ဇွန်လ၂၉ရက်နေ့ နံနက် ၉ နာရီကျော်အချိန်တွင် ရမ်းသမ်းပစ်ခတ်မှုကြောင့် ၃ နှစ်အရွယ် သမီးငယ် လေးတစ်ဦးနှင့် ဖခင်ဖြစ်သူတို့ သေနတ်ကျည်ထိမှန်ခဲ့ပြီး ကလေးငယ် မှာ ရရှိဒဏ်ရာဖြင့် ဆေးကုသမှု...