အစ္စရေးနှင့် အမေရိကန်တို့ ပူးပေါင်း၍ အီရန်နိုင်ငံရှိ စစ်ရေးနှင့် အစိုးရအဆောက်အအုံပေါင်း ၅၀၀ ကျော်ကို လေကြောင်းမှ အပြင်းအထန် ဗုံးကြဲတိုက်ခိုက်ခဲ့ပြီးနောက် အီရန်ခေါင်းဆောင်အဓိပတိ ခါမေနီ သေဆုံးဖွယ်ရှိသည့် လက္ခဏာများရှိနေဟု အစ္စရေး ဝန်ကြီးချုပ် နေတန်ယာဟု က ပြောကြားလိုက်သည်။

အစ္စရေးဝန်ကြီးချုပ် ဘင်ဂျမင် နေတန်ယာဟုက “ဒီအာဏာရှင်ကြီး မရှိတော့ဘူး (Gone) ဆိုတဲ့ လက္ခဏာတွေ ပိုများလာနေပြီ” ဟု ရုပ်သံမိန့်ခွန်းတွင် ထည့်သွင်းပြောကြားခဲ့သည်။

အစ္စရေးစစ်ဘက်ဆိုင်ရာ သတင်းရင်းမြစ်အချို့ကလည်း ခါမေနီ သေဆုံးသွားနိုင်သည်ဟု ခန့်မှန်းနေကြသော်လည်း အတည်ပြုချက် ထွက်ပေါ်လာခြင်း မရှိသေးပေ။

အီရန်နိုင်ငံ၏ အမြင့်ဆုံးဘာသာရေးခေါင်းဆောင်ကြီး အယာတိုလာ အလီခါမေနီ (Ayatollah Ali Khamenei) သည် ကွယ်လွန်သွားပြီဖြစ်ပြီး ၎င်း၏ ရုပ်အလောင်းကိုလည်း ရှာဖွေတွေ့ရှိခဲ့ကြောင်း အစ္စရေးအဆင့်မြင့်အရာရှိတစ်ဦးက ရိုက်တာသတင်းဌာနသို့ ပြောကြားသည်။

ယနေ့နံနက်ပိုင်း အစ္စရေးနှင့် အမေရိကန်တို့က အီရန်မြို့တော် တီဟီရန်ရှိ ခါမေနီ၏ ရုံးခန်းအနီးတစ်ဝိုက်ကို လေကြောင်းမှ ဗုံးကြဲတိုက်ခိုက်ခဲ့ပြီးနောက် ယခုကဲ့ သို့ သေဆုံးမှုသတင်း ထွက်ပေါ်လာခြင်းဖြစ်သည်။

အဆိုပါ အစ္စရေးအရာရှိ၏ ပြောကြားချက်အရ ခါမေနီ၏ ရုပ်အလောင်းကို အတည်ပြုနိုင်ခဲ့ပြီဟု ဆိုသော်လည်း အီရန်အစိုးရဘက်မှမူ ယခုအချိန်အထိ တရားဝင် ထုတ်ပြန်ကြေညာခြင်း မရှိသေးပေ။

အသက် ၈၆ နှစ်အရွယ်ရှိပြီဖြစ်သော ခါမေနီသည် အီရန်နိုင်ငံ၏ နိုင်ငံရေးနှင့် ဘာသာရေးဆိုင်ရာ အမြင့်ဆုံးအာဏာကို ဆယ်စုနှစ်ပေါင်းများစွာ ဆုပ်ကိုင်ထားသူဖြစ်ပြီး ၎င်းကွယ်လွန်မှုသတင်းသည် အရှေ့အလယ်ပိုင်းဒေသ၏ စစ်ရေးနှင့် နိုင်ငံရေးအခြေအနေကို ကြီးမားသော အလှည့်အပြောင်းဖြစ်စေမည်ဟု စစ်ရေးလေ့လာသူများက သုံးသပ်နေကြသည်။

လက်ရှိတွင် တီဟီရန်မြို့တော်အတွင်း လုံခြုံရေးအစီအမံများကို အမြင့်ဆုံးအဆင့် တိုးမြှင့်ထားကြောင်း သိရသည်။

အီရန်နိုင်ငံခြားရေးဝန်ကြီးကမူ ခါမေနီသည် “ဘေးကင်းရာတွင် ရှိနေသည်” ဟု ငြင်းဆိုထားသော်လည်း ခါမေနီကိုယ်တိုင် လူထုရှေ့သို့ ထွက်ပေါ်လာခြင်း မရှိသေးဘဲ ဆက်သွယ်မှု ပြတ်တောက်နေကြောင်း သတင်းများက ဆိုသည်။

အစ္စရေးဝန်ကြီးချုပ် နေတန်ယာဟုက အီရန်ပြည်သူများအနေဖြင့် ယခုအချိန်သည် “မျိုးဆက်တစ်ခုတွင် တစ်ကြိမ်သာရနိုင်သည့် အခွင့်အရေး” ဖြစ် ကြောင်း၊ လမ်းမပေါ်သို့ အစုလိုက်အပြုံလိုက် ထွက်လာကြပြီး အာဏာရှင်စနစ်ကို ဖြုတ်ချကြရန် တိုက်တွန်းခဲ့သည်။

အစ္စရေး၏ “Roaring Lion” နှင့် အမေရိကန်၏ “Operation Epic Fury” စစ် ဆင်ရေးအရ တယ်ဟီရန်၊ အစ္စဖာဟန် နှင့် ကွန်းမ် မြို့များရှိ နျူကလီးယားစခန်းများ၊ ဒုံးကျည်စခန်းများနှင့် IRGC စစ်ဌာနချုပ်များကို တိုက်ခိုက်ခဲ့သည်။

တိုက်ခိုက်မှုကြောင့် အီရန်တွင် လူပေါင်း ၂၀၀ ကျော် သေဆုံးပြီး ၇၀၀ ကျော် ဒဏ်ရာရရှိခဲ့ကြောင်း၊ ၎င်းတို့အထဲတွင် အီရန်ကာကွယ်ရေးဝန်ကြီး အပါအဝင် ထိပ်တန်းစစ်ဗိုလ်ချုပ်အချို့ ပါဝင်နိုင်ကြောင်း သတင်းများက ဖော်ပြသည်။

အီရန်ဘက်ကလည်း အစ္စရေးနှင့် ပင်လယ်ကွေ့ရှိ အမေရိကန်စစ်စခန်းများ (ဘာရိန်း၊ ကာတာ၊ ယူအေအီး) ကို ဒုံးကျည်များဖြင့် ပြန်လည်ပစ်ခတ်ခဲ့သဖြင့် ဒေသတွင်း စစ်မီးကူးစက်မည့် အခြေအနေသို့ ရောက်ရှိနေသည်။

အစ္စရေးနိုင်ငံအတွင်း နေထိုင်သူများအနေဖြင့် လုံခြုံရေးသတိပေးချက်များကို တိကျစွာလိုက်နာရန်နှင့် ဗုံးခိုကျင်းများအနီးတွင် နေထိုင်ကြရန် ညွှန်ကြားထားသည်။

The post Breaking News- အမေရိကန်နှင့်အစ္စရေး၏ တိုက်ခိုက်မှုကြောင့် အီရန်ခေါင်းဆောင်အဓိပတိ ခါမေနီ သေဆုံးဖွယ်ရှိသည့် လက္ခဏာများရှိနေဟု အစ္စရေး ဝန်ကြီးချုပ် နေတန်ယာဟု ပြောကြား၊ အီရန်ခေါင်းဆောင် ခါမေနီ၏ အလောင်းတွေ့ရှိဟုဆို appeared first on Khit Thit Media.

အစ္စရေးနိုင်ငံက အီရန်နိုင်ငံကို ဒီနေ့မှာပဲ စတင်တိုက်ခိုက်လိုက်ပြီး တစ်နိုင်ငံလုံး အရေးပေါ်အခြေအနေ ကြေညာလိုက်ပါတယ်။

ဒီနေ့ ဖေဖော်ဝါရီလ ၂၈ ရက်နေ့ အစ္စရေးကာကွယ်ရေးဝန်ကြီးဌာနရဲ့ ထုတ်ပြန်ချက်အရ အစ္စရေးစစ်တပ်ဟာ အီရန်နိုင်ငံအတွင်းရှိ ပစ်မှတ်တွေကို စတင်တိုက်ခိုက်နေပြီ ဖြစ်တယ်လို့ သိရပါတယ်။

ဒီတိုက်ခိုက်မှုဟာ အီရန်ဘက်က ရန်စလာမယ့်အန္တရာယ်ကို ကြိုတင်ကာကွယ်တဲ့အနေနဲ့ လုပ်ဆောင်တာဖြစ်တယ်လို့ အစ္စရေးဘက်က ဆိုပါတယ်။

အစ္စရေးက တစ်နိုင်ငံလုံးအရေးပေါ်အခြေအနေ ကြေညာတာကတော့ အီရန်ဘက်ကနေ ဒရုန်းတွေ၊ ဘလက်စတစ်ဒုံးကျည်တွေနဲ့ လက်တုံ့ပြန်တိုက်ခိုက်လာနိုင်ခြေရှိတာကြောင့် အစ္စရေးအစိုးရက တစ်နိုင်ငံလုံးအတိုင်းအတာနဲ့ အရေးပေါ်အခြေအနေ (State of Emergency) ကို ချက်ချင်းကြေညာလိုက်တာပါ။

အစ္စရေး ကာကွယ်ရေးဝန်ကြီး အစ္စရေးကတ်ဇ်က အခုတိုက်ခိုက်မှုဟာ အစ္စ ရေး နိုင်ငံရဲ့ လုံခြုံရေးအတွက် မဖြစ်မနေလုပ်ဆောင်ရတဲ့ ခြေလှမ်းဖြစ်တယ်လို့ အတည်ပြုထားပါတယ်။

ဒီတိုက်ခိုက်မှုကြောင့် အရှေ့အလယ်ပိုင်းဒေသမှာ စစ်မီးပိုမိုကျယ်ပြန့်လာမှာကို ကမ္ဘာတစ်ဝန်းက စိုးရိမ်တကြီး စောင့်ကြည့်နေကြပါတယ်။

The post Breaking News- အစ္စရေးက အီရန်နိုင်ငံကို စတင်တိုက်ခိုက်လိုက်ပြီး အစ္စရေးတစ်နိုင်ငံလုံး အရေးပေါ်အခြေအနေ ကြေညာ appeared first on Khit Thit Media.

ရခိုင်ပြည်နယ်၊ ပုဏ္ဏားကျွန်းမြို့နယ်၊ ယိုးငူရွာ ဈေးတန်းကို အကြမ်းဖက် စစ် တပ်က လေယာဉ်ဖြင့် ဗုံးကျဲ တိုက်ခိုက်မှု ကလေးငယ်များ အပါအဝင် ပြည်သူ ၁၁ ဦးသေဆုံးပြီး ၁၀ ဦး ထိခိုက်ဒဏ်ရာရခဲ့ကြောင်း စာရေးဆရာဝေဟင်အောင်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဖေဖော်ဝါရီလ ၂၄ ရက်နေ့ မွန်းလွဲ ၂ နာရီကျော်ခန့်အချိန် ပုဏ္ဏားကျွန်းမြို့နယ်၊ ယိုးငူရွာ ဈေးတန်းကို အကြမ်းဖက် စစ်တပ်က ပေါင် ၅၀၀ ဗုံး ၂ လုံးဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။

အကြမ်းဖက် စစ်တပ်၏ ဗုံးကျဲ တိုက်ခိုက်မှုအတွင်း ကလေးငယ်များ အပါ အဝင် ပြည်သူ ၁၁ ဦးသေဆုံးခဲ့ပြီး ၁၀ ဦး ထိခိုက်ဒဏ်ရာရရှိခဲ့ကြောင်း၊ ထို့အ ပြင် ဈေးလည်းမီးလောင်သွားပြီး နေအိမ်၊ အဆောက်အအုံများလည်း ဆုံးရှုံးမှုများပြားခဲ့ကြောင်း သိရှိရသည်။

“လူနေရပ်ကွက် ဈေးတန်းထဲကို ကျဲသွားတာ၊ ဈေး ဆိုင် တော်တော်များများလည်း မီးလောင် သွား တယ်၊ နေအိမ်တွေတော်တာ်များများလည်း ပျက်စီး သွားတယ်လို့ သိရတယ်။ သေဆုံးတာက ၁၁ ဦး လို့ပြောတယ်။ သေတဲ့ထဲမှာ ကလေးဦးရေကတော် တော်များတယ်လို့ ပြောတယ်။ စာရင်းကတော့ တိတိ ကျကျ ပြောလို့ရသေးဘူး။ အခု လူတွေက ပြေးလွှားနဲ့ ရုန်းရင်းဆန်ခတ်ဖြစ်နေကြတုန်းမို့ပါ” ” ဟု စာရေးဆရာဝေဟင်အောင်က ရန်ကုန်ခေတ်သစ်သတင်းဌာနထံသို့ ပြောကြားသည်။

The post Breaking News – ပုဏ္ဏားကျွန်းမြို့နယ်၊ ယိုးငူရွာ ဈေးတန်းကို စစ်တပ်က လေ ယာဉ်ဖြင့် ဗုံးကျဲ မှု ကလေးငယ်များ အပါအဝင် ပြည်သူ ၁၁ ဦးသေဆုံးပြီး ၁၀ ဦး ထိခိုက်ဒဏ်ရာရ appeared first on Khit Thit Media.

ရန်ကုန်၊ ဇန်နဝါရီ ၂၄

တနင်္သာရီတိုင်း၊ လောင်းလုံးမြို့နယ်၊ ကထောင်းနီကျေးရွာရှိ လောင်းကစားဝိုင်းကို ဝင်ရောက် ဖမ်းဆီးခဲ့ပြီး သိမ်းဆည်းရရှိသော ငွေကြေးများကို တော်လှန်ရေး ရန်ပုံငွေအဖြစ် အသုံးပြုသွားမည်ဖြစ်ကြောင်း လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ ပြန်ကြားရေးတာဝန်ခံ ရဲဘော်ရှဲဒိုးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၂၀ ရက်နေ့ မွန်းလွဲ ၃ နာရီခန့်တွင် လောင်းလုံးမြို့နယ် ကထောင်းနီကျေးရွာ၌ နတ်ပွဲ အကြောင်းပြကာ သီးခြားပြုလုပ်နေသည့် လောင်းကစားဝိုင်းကို လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့က ၀င်ရောက်ဖမ်းဆီးခဲ့ခြင်းဖြစ်ကြောင်း သိရသည်။

ထိုသို့ ဖမ်းဆီးစဉ် လောင်းကစားပြုလုပ်နေသူများနှင့် ဆက်စပ်ပစ္စည်းများ၊ လောင်းကစား ငွေကြေးများကို သိမ်းဆည်းရရှိခဲ့ပြီး သီးခြား ဒဏ်ကြေးငွေပေးဆောင်စေ၍ နောက်နောင် လောင်းကစားဝိုင်းများပြုလုပ်ခြင်း၊ ပါ၀င်ကစားခြင်းများမပြုလုပ်ရန် ခံ၀န်ကတိပြုလက်မှတ်ရေးထိုးစေကာ ပြန်လည်လွှတ်ပေးခဲ့ကြောင်း သိရှိရသည်။

လောင်းလုံးမြို့နယ်အတွင်း လောင်းကစားဝိုင်းများ လုံးဝ မပြုလုပ်ရန် အကြိမ်ကြိမ် သတိပေးထားပြီးဖြစ်ကာ လောင်းကစားဝိုင်းများဆက်လက်ပြုလုပ်နေမည် ဆိုပါက ပြင်းထန်းစွာ အရေးယူဆောင်ရွက်မည် ဖြစ်ကြောင်း လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ ပြန်ကြားရေးတာဝန်ခံ ရဲဘော်ရှဲဒိုးက ပြောဆိုသည်။

“အခုချိန်က တစ်နိုင်ငံလုံး စစ်ဘေးသင့် ဒုက္ခဆင်းရဲဖြစ်နေချိန်မှာ အသိတရားရှိဖို့ ကောင်းတာပေါ့။ လောင်းကစားဝိုင်းတွေမှာကုန်မယ့် ငွေကြေးအစား စစ်ဘေးရှောင်တွေ တော်လှန်ရေးအဖွဲ့အစည်းတွေ ပံ့ပိုးတာဖြစ်ဖြစ် ကိုယ့်ရပ်ရွာအကျိုးရှိမယ့်နေရာတွေမှာသုံးတာဖြစ်ဖြစ် လုပ်ကြစေချင်တာပေါ့။ ဒီလောက်များပြားတဲ့ငွေကြေးတွေနဲ့ဆို တော်လှန်ရေးအတွက်အများကြီးအထောက်အကူဖြစ်ပါတယ်” ဟု လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ ပြန်ကြားရေးတာဝန်ခံ ရဲဘော်ရှဲဒိုးက ပြောဆိုသည်။

လောင်းကစားဝိုင်းများ ဖမ်းဆီးရမိမှုမှ လောင်းကစားငွေ စုစုပေါင်း ၂၄,၂၈၅,၇၅၀ ကျပ် သိမ်းဆည်းရမိခဲ့ပြီး ၎င်းငွေကြေးများကို တော်လှန်ရေးလုပ်ငန်းစဉ်များတွင် အသုံးပြုသွားမည်ဖြစ်ကြောင်း ရဲဘော်ရှဲဒိုးက ဆက်လက်ပြောဆိုသည်။

The post လောင်းလုံးမြို့နယ်၊ ကထောင်းနီကျေးရွာရှိ လောင်းကစားဝိုင်းကို ပကဖ က ဝင်ရောက် ဖမ်းဆီး၊ သိမ်းဆည်းရရှိသော ငွေကြေးများကို တော်လှန်ရေး ရန်ပုံငွေအဖြစ် အသုံးပြုမည် appeared first on Khit Thit Media.

ရန်ကုန်၊ ဇူလိုင် ၁၄

အမေရိကန်သမ္မတလောင်း ထရမ့် မဲဆွယ်စည်းရုံးနေစဉ် ပစ်ခတ်မှုဖြစ်ပွားပြီး မျက်နှာပေါ် သွေးစတချို့ရှိနေသည့် ထရမ့်ကို လုံခြုံရေးတာဝန်ရှိသူများက ကာကွယ်ခေါ်ဆောင်သွားကာ ထရမ့်မှာ လတ်တလောဘေးကင်းလုံခြုံကြောင်း သိရှိရသည်။

အမေရိကန်သမ္မတလောင်း Trump က Pennsylvania ပြည်နယ် Butler တွင် ယနေ့ အမေရိကန်ဒေသစံတော်ချိန် ညနေ ၆ နာရီ ရွေးကောက်ပွဲ စည်းရုံးရေးနေစဉ် သေနတ်သံကြားရပြီး ထရမ့်၏ မျက်နှာပေါ်တွင် သွေးစတချို့ မြင်ရကြောင်း၊ လုံခြုံရေးများက သမ္မတလောင်းထရမ့်ကို အကာအကွယ်ပေးခေါ်ဆောင်သွားကြပြီး သမ္မတလောင်း ဘေးကင်းလုံခြုံကြောင်း သိရှိရသည်။

သမ္မတဟောင်း Donald Trump ဘေးကင်းလုံခြုံစွာနေကြောင်း အမေရိကန် လုံခြုံရေးတပ်ဖွဲ့က သတင်းထုတ်ပြန်ထားပြီး သမ္မတလောင်း ထရမ့်၏ ရွေးကောက်ပွဲ စည်းရုံးရေးပွဲအပေါ် တိုက်ခိုက်မှုနှင့်ပတ်သက်ပြီး အမေရိကန်ဒီမိုကရက်နှင့် ရီပတ်ဘလစ်ကန် နှစ်ဖက်စလုံးက နိုင်ငံရေး အကြမ်းဖက်မှုအဖြစ် ပြင်းပြင်းထန်ထန် ဝေဖန်နေကြသည်။

ယခုနောက်ဆုံး ဝင်ရောက်လာသော သတင်းများအရ သမ္မတဟောင်း ထရမ့်ကို ပစ်ခတ်သူကို အသေဖမ်းဆီးရရှိပြီး ပွဲတက်ရောက်လာသူတစ်ဦးလည်း သေဆုံးခဲ့ကြောင်း သိရှိရသည်။

Photo Credit- CNN

The post Breaking News- အမေရိကန်သမ္မတဟောင်းနှင့် သမ္မတလောင်း ထရမ့် မဲဆွယ်စည်းရုံးနေစဉ် ပစ်ခတ်မှုဖြစ်ပွားပြီး မျက်နှာပေါ် သွေးစတချို့ရှိနေသည့် ထရမ့်ကို လုံခြုံရေးတာဝန်ရှိသူများက ကာကွယ်ခေါ်ဆောင်သွား၊ သမ္မဟောင်း ထရမ့် ဘေးကင်းလုံခြုံပြီး ပစ်ခတ်သူကို အသေဖမ်းဆီးရရှိ appeared first on Khit Thit Media.

ရန်ကုန်၊ ဇူလိုင် ၁၀

အကြမ်းဖက်စစ်ကောင်စီက ရိုးမဘဏ်ဥက္ကဋ္ဌ ဦးသိမ်းဝေ၊ CEO ဦးဘမောင်စိန် အပါအဝင် ဒါရိုက်တာ ၉ ဦးကို ငွေကြေးခဝါချမှုဖြင့် စစ်ဆေးနေပြီး Yoma Bank ပိတ်သိမ်း ၊ဖျက်သိမ်းခံရသည့် အခြေအနေအထိ ကြုံလာနိုင်ကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။

ဇွန်လဆန်းပိုင်းမှစတင်ပြီး ရိုးမဘဏ် ဥက္ကဋ္ဌ ဦးသိမ်းဝေ၊ CEO ဦးဘမောင်စိန် အပါအဝင် ဒါရိုက်တာ ၉ ဦးကို စစ်ကောင်စီက ဖမ်းဆီး စစ်ဆေးခဲ့ကြောင်း၊ အဓိကအားဖြင့် စစ်ဆေးရာတွင် ဘဏ်၏ Capital ထက်ပိုမိုသော ငွေကြေးများ ပါ ဝင် နေခြင်းကြောင့် စစ်ဆေးနေခြင်းဖြစ်ကြောင်း သိရှိရသည်။

“လတ်တလော သိထားသလောက်တော့ ဘဏ် Capital ထက် လှည့်ပတ်သုံးစွဲနေတဲ့ ငွေတွေ၊ ချေးငွေတွေက များ နေတာ၊ နောက်တစ်ခါ ဗဟိုဘဏ်က ချမှတ်ထားတဲ့ စည်းမျဉ်းစည်းကမ်းတွေ မလိုက်နာတာ၊ ခွင့်ပြုချက်မယူဘဲ၊ လုပ်ခွင့်မရှိတဲ့ ရင်းနှီးမြှုပ်နှံမှုဆိုင်ရာ ကိစ္စတွေမှာပါ ရင်းနှီးမြှုပ်နှံတာ။ အလွယ်ဆုံးပြောရရင်တော့ ငွေမည်းကို ငွေဖြူလျှော်တာပေါ့။ အဲဒီဖြစ်စဉ်မျိုး ၂၀၀၃ ခုနှစ်တုန်းက မေဖလားဝါးဘဏ်နဲ့ အာရှဓနဘဏ်တို့ကို စစ်ဆေး အရေးယူမှုမျိုးတွေဖြစ်ခဲ့ဖူးတယ်။ အခုလည်း အမှန်တကယ် အရေးယူမယ်ဆိုရင် Yoma ဘဏ်ကို ပိတ်တဲ့အထိ အရေးယူမလား၊ ဘယ်လို ဆက်ဖြစ်မလဲ ဆိုတာကတော့ စောင့်ကြည့်ရမယ်” ဟု နေပြည်တော်စစ်ဘက်သတင်းရင်းမြစ်က ပြောဆိုသည်။

လက်ရှိ သိရှိထားသော သတင်းများအရ ရိုးမဘဏ်ဥက္ကဋ္ဌ ဦးသိမ်းဝေကို စစ်တပ်က စစ်ဆေးစဉ် အသာတကြည် အစစ်အဆေးမခံသဖြင့် ရိုက်နှက်ညှဉ်းပန်းမှုများရှိခဲ့ပြီး ဆေးကုသမှု ခံယူနေရကြောင်း၊ ကျန်ရှိသော ဒါရိုက်တာများလည်း ဖမ်းဆီး စစ်ဆေးခံနေရဆဲဖြစ်ကြောင်း သိရှိရသည်။

ရိုးမဘဏ်ကို ၁၉၉၃ ခုနှစ် မေလတွင် ဦးသိမ်းဝေ၏ FMI ရင်းနှီးမြုပ်နှံမှု ကုမ္ပဏီမှ စတင်တည်ထောင်ခဲ့ပြီး ယခုအခါ မြို့ပေါင်း ၄၃ ခုတွင် ဘဏ်ခွဲပေါင်း ၈၅ ခုဖွင့်လှစ်ထားကြောင်း သိရှိရသည်။

၂၀၂၂ ခုနှစ်၊ အောက်တိုဘာလတွင် မြန်မာနိုင်ငံသည် ငွေကြေးခဝါချမှုများကို အရေးယူတိုက်ဖျက်ရန် မလုပ် ဆောင်ခြင်း၊ အကြမ်းဖက်မှုနှင့်ပတ်သက်သော ငွေကြေးကိစ္စများကို အရေးယူမှုများ မလုပ် ဆောင်ခြင်း၊ FATF အဖွဲ့ကြီးက ချမှတ်ထားသော စည်းမျဉ်းစည်း ကမ်း ဘောင် များအတိုင်း လိုက်နာဆောင်ရွက်မှုမရှိခြင်း၊ အရေးယူ လုပ်ဆောင်ရမည် များနှင့်ပတ်သက်၍ တိုးတက်မှုရှိအောင် မဆောင်ရွက်ခြင်း များကြောင့် ငွေကြေး ခဝါချမှုနှင့် အကြမ်းဖက်မှုဆိုင်ရာ ဘဏ္ဍာရေးများတွင် ပါဝင်ပတ်သက်သော အမည်ပျက်နိုင်ငံအဖြစ် ကမ္ဘာ့ငွေကြေးဆိုင်ရာအရေးယူဆောင်ရွက်ရေးအဖွဲ့ (Financial Action Task Force-FATF) က ကြေညာခဲ့သည်။

ဓာတ်ပုံ- ရိုးမဘဏ်ပိုင်ရှင် ဦးသိမ်းဝေ၊ CEO ဦးဘမောင်စိန်နှင့် ရန်ကုန်ရိုးမဘဏ်ပင်မရုံး။

The post Breaking News- ရိုးမဘဏ်ဥက္ကဋ္ဌ ဦးသိမ်းဝေ၊ CEO ဦးဘမောင်စိန် အပါ အဝင် ဒါရိုက်တာ ၉ ဦးကို ငွေကြေးခဝါချမှုဖြင့် ဖမ်းဆီးစစ်ဆေးနေပြီး Yoma Bank အပိတ်ခံရဖွယ် အခြေအနေ ကြုံလာနိုင် appeared first on Khit Thit Media.

By ရန်ကုန်ခေတ်သစ်

အကြမ်းဖက်စစ်ခေါင်းဆောင် မင်းအောင်လှိုင်ကို ဖြုတ်ချရန် ရင်ဖွင့်ကြံစည်ခဲ့သည့် လယ်/ဆည်ဝန်ကြီးဟောင်း မြင့်လှိုင်ကို ဝန်ကြီးဖြစ်စဉ်က လယ်မြေသိမ်းမှုများဖြင့် နောက်ကြောင်းပြန် အမှုဖွင့်လိုက်ပြီး နေအိမ်နှင့်ပိုင်ဆိုင်မှုများကိုပါ ချိတ်ပိတ်လိုက်ကြောင်း နေပြည်တော် စစ်ဘက်သတင်းရင်းမြစ်က ပြောဆိုသည်။

ဒုတိယဗိုလ်ချုပ်ကြီးဟောင်းလည်းဖြစ်၊ လယ်/ဆည်ဝန်ကြီးဟောင်းလည်းဖြစ်သူ မြင့်လှိုင်က စစ်ခေါင်းဆောင် မင်းအောင်လှိုင်၏ ဆောင်ရွက်မှုများသည် ပျော့လွန်းပြီး ပြတ်ပြတ်သားသားမကိုင်တွယ်သည့်အတွက် တိုင်းပြည် ပြို ကွဲသည်အထိ ဖြစ်လာနေကြောင်း၊ စစ်ခေါင်းဆောင် မင်းအောင်လှိုင်ကို ဖြုတ်ပယ်ခြင်း မပြုပါက တပ်မတော် နှင့် နိုင်ငံ၏ အနာဂတ် ပြိုလဲမည်ဖြစ်ကြောင်း စစ်ဗိုလ်ချုပ်ဟောင်းတချို့နှင့် တိုင်ပင်ခဲ့ကြကြောင်း၊ ယင်းသို့ တိုင်ပင်မှုကို ကြံ့ဖွတ် ဥက္ကဋ္ဌ ခင်ရီက ပြန်လည် သိရှိပြီး မင်းအောင်လှိုင်ထံသို့ သတင်းပို့ တိုင် ကြားခဲ့ကြောင်း၊ မင်းအောင်လှိုင်က ၎င်းကို ဖြုတ်ချရန် မြင့်လှိုင်၏ ကြံစည်ပြောဆိုမှုများ အကြောင်း သိရှိသောအခါ လည်/ဆည်ဝန်ကြီးဖြစ်စဉ်က လယ် မြေသိမ်းဆည်းမှုများဖြင့် အမှုဖွင့်အရေးယူပြီး ပိုင်ဆိုင်မှုများ ချိတ်ပိတ်ရန် အမိန့်ပေးခဲ့ကြောင်း သိရှိရသည်။

လည်/ဆည်ဝန်ကြီးဟောင်း မြင့်လှိုင်ကို ဝန်ကြီးဖြစ်စဉ်က ရန်ကုန်တိုင်း၊ ဒဂုံမြို့သစ်အရှေ့ပိုင်းရှိ လယ်မြေ ၁၇၃၂ ဧကကို သားမက်ဖြစ်သူ၏ အမည်များဖြင့် လယ်မြေလုပ်ပိုင်ခွင့် လျှောက်ထားရယူခဲ့ကြောင်း၊ ထို့ကြောင့် ဦးမြင့်လှိုင်ကို အဂတိလိုက်စားမှု ဥပဒေ ပုဒ်မ ၅၅ ဖြင့် အရေးယူရန် အမှုဖွင့်ခဲ့ပြီး ဧပြီလ ၁၀ ရက်နေ့တွင် ဖမ်းဆီးခဲ့ကြောင်း သိရှိရသည်။

“ဦးမြင့်လှိုင်ရဲ့ နေအိမ်တွေ ဘဏ်အကောင့်တွေနဲ့ ပိုင်ဆိုင်မှုတွေအားလုံးကိုပါ ချိတ်ပိတ်လိုက်တယ် ။ နောက်ပြီးတော့ သားမက်ကိုလည်း ဖမ်းဆီးထားတယ်။ ကျန်တဲ့မိသားစုဝင်တွေကိုတော့ အကျယ်ချုပ်ပုံစံမျိုး ထိန်းသိမ်းထားတာရှိတယ်။ ဒါနဲ့ပတ်သက်လို့ သမ္မတဦးသိန်းစိန်(ငြိမ်း)ကို ကြားဝင်ပေးဖို့ ၊ ညှိနှိုင်းပေးဖို့ ဦးမြင့်လှိုင်ဘက်က သွားပြောထားတာလည်းရှိတယ်။ အဓိက တပ်ချုပ်ကို ဖယ်ရှားဖို့ သူက စပြီး တိုင်ပင် ဆော်ဩတာ လုပ်တာကြောင့်လို့ သိရတယ်” ဟု နေပြည်တော်စစ်ဘက်သတင်းရင်းမြစ်က ဆိုသည်။

မြင့်လှိုင်သည် စစ်တပ်တွင် ဒုတိယ ဗိုလ်ချုပ်ကြီး ရာထူးဖြင့် လေကြောင်းရန် ကာကွယ်ရေးတပ်ဖွဲ့ အရာရှိချုပ် အဖြစ် တာဝန်ထမ်းဆောင်ခဲ့သူဖြစ်ပြီး ၂၀၁၁ ခုနှစ် မှ ၂၀၁၆ ခုနှစ် သမ္မတဦးသိန်းစိန်အစိုးရလက်ထက်တွင် လယ်/ဆည်ဝန် ကြီးအဖြစ် တာဝန်ထမ်းဆောင်ခဲ့ကြောင်း၊ ကြံ့ဖွတ်ပါတီ၏ ထိပ်တန်းခေါင်း ဆောင်တစ်ဦးလည်းဖြစ်ပြီး အာဏာရှင်ဟောင်း သန်းရွှေ၏ စိတ်ချယုံကြည်ရသော လူယုံတစ်ဦးလည်းဖြစ်ကြောင်း သိရှိရသည်။

The post Special Report- မင်းအောင်လှိုင်ကို ဖြုတ်ချရန် ကြံစည်သည့် လယ်/ဆည် ဝန်ကြီးဟောင်း မြင့်လှိုင်ကို နောက် ကြောင်းပြန် လယ် မြေသိမ်းမှုများဖြင့် အရေး ယူ၊ နေအိမ်နှင့်ပိုင်ဆိုင်မှုများကိုပါ ချိတ်ပိတ်ပြီး မိသားစုကိုလည်း အကျယ်ချုပ်ထား appeared first on Khit Thit Media.

ရန်ကုန်၊ ဧပြီ ၈

မွန်ပြည်နယ်၊ မော်လမြိုင်မြို့ပေါ် အရှေ့တောင်တိုင်းစစ်ဌာနချုပ်တွင် အကြမ်း ဖက် ဒုစစ်ခေါင်းဆောင် စိုးဝင်း စစ်ရေးဆိုင်ရာ အစည်းအဝေး ကျင်းပနေစဉ် တော်လှန်ရေးတပ်များက ဒရုန်းဖြင့် တိုက်ခိုက်လိုက်ကြောင်း ပြည်သူ့ကာကွယ် ရေးတပ်ဖွဲ့မှ တာဝန်ရှိသူတစ်ဦးက ပြောဆိုသည်။

ဧပြီလ ၈ ရက်နေ့ ည​နေ ၅နာရီ ၁၀မိနစ်အချိန် အ​ရှေ့​တောင်တိုင်းစစ်ဌာနချုပ် (ရတခ) တိုင်းရုံးအတွင်း စစ်​ကောင်စီဒု​စစ်ခေါင်း​ဆောင် စိုးဝင်းနှင့်အဖွဲ့ စစ်ဆင်​ရေးကွပ်ကဲမှုအစည်းအ​ဝေးလုပ်​နေ​ကြောင်း သတင်းရရှိ၍ ရှာထူး​ဝေါ်နည်းပညာ တပ်ဖွဲ့ ၏ Alpha bats တပ်ခွဲ က ​မြေပြင်လုံခြုံ​ရေးပူး​ပေါင်းတပ်များ အကူအညီဖြင့် Fixed Wing Drone အသုံးပြုတိုက်ခိုက်ခဲ့ကြောင်း၊ ဒုချုပ် စိုးဝင်းနှင့် ရတခတိုင်းမှူးတို့ အစည်းအ​ဝေးကျင်းပ​နေရင်း ချက်ချင်းရပ်ကာ ရုံး ဆင်းသွား​ကြောင်း၊ ​​ဖော်ကာနှင့် ဂျက်တိုက်လေယာဉ် ၂စီးလည်း ​နောက်ထပ် ဒရုန်း တိုက်ခိုက်မှုများလာမည်ကို​ကြောက်၍ ပျံသန်းကင်းလှည့်လျက်ရှိကြောင်း သိရှိရသည်။

လက်ရှိ ယနေ့ ညပိုင်း မော်လမြိုင်တွင် ပေါက်ကွဲသံများ ဆက်တိုက်ကြားရကြောင်း၊ ​ပေါက်ကွဲမှု​ကြောင့် ရတခ တိုင်းအတွင်း တုန်လှုပ်​ခြောက်ခြားမှုများဖြစ်ကာ ​ လေယာဥ်များ၊ ကားများ၊ လုံခြုံ​ရေးအထူးပြင်ဆင်ကာ လှုပ်လှုပ်ခတ်ခတ်ဖြစ်ခဲ့​ကြောင်းသိရပြီးအထိအခိုက်အ​သေးစိတ်မသိရှိရသေးကြောင်း ရှာထူးဝေါ်နည်းပညာတပ်ဖွဲ့ Alpha Bats တပ်ခွဲက ပြောဆိုသည်။

​မော်လမြိုင် ရတခ တွင် စိုးဝင်း​ရောက်​နေသကဲ့သို့ ဘားအံ တပ်မ၂၂ တွင်လည်း ဒုဗိုလ်ချုပ်ကြီး ညွန့်ဝင်း​ဆွေ​ရောက်​နေကာ မြဝတီ၊ သင်္ဃန်းညီ​နောင်ဘက်သို့ ​လေ​ကြောင်းထိုးစစ်များ ပြုလုပ်ရန် ကြံစည်​နေကြ​ကြောင်း သိရှိရသည်။

The post Breaking News- အကြမ်းဖက်ဒုစစ်ခေါင်းဆောင် စိုးဝင်း မော်လမြိုင်၊ ရတခဌာနချုပ်တွင် အစည်းအဝေး ကျင်းပနေစဉ် ဒရုန်းဖြင့် တိုက်ခိုက်၊ စစ်တပ်က တန်ပြန် လေယာဉ်၊ ဒရုန်းများဖြင့် ဗုံး ပြန်ကျဲ appeared first on Khit Thit Media.

■ မြ၀တီတွင် ပိတ်မိနေသည့် စစ်ကောင်စီတပ်များ၊ မိသားစုဝင်များနှင့် ဝန်ထမ်းများကို ခေါ်ဆောင်မည့်အခြေအနေရှိဟု စစ်ဘက်သတင်းရင်းမြစ်ပြောဆို

ရန်ကုန်၊ ဧပြီ ၇

ထိုင်းနိုင်ငံနှင့် စစ်ကောင်စီတို့၏ ညှိနှိုင်းမှုအရ မြ၀တီမြို့တွင် ပိတ်မိနေသည့် စစ်တပ်များ၊ ဝန်ထမ်းများနှင့် တပ်မိသားစုဝင်များအားလုံးကို မဲဆောက်မှ တစ်ဆင့် ရန်ကုန်သို့ လေယာဉ်ဖြင့် ခေါ်ဆောင်ရန်ရှိနေကြောင်း နေပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

“MNA မြန်မာအမျိုးသားလေကြောင်းလိုင်းရဲ့ လေယာဉ်တွေမနက်ဖြန်ကစလို့ မဲဆောက် အပြည်ပြည်ဆိုင်ရာ လေဆိပ်မှာ ဆင်းဖို့ရှိပါတယ်။ လောလောဆယ် ၃ ရက် ရန်ကုန်-မဲဆောက် အသွားအပြန် စီစဉ်ထားပါတယ်။ နှစ်နိုင်ငံစီမံမှုပါ” ဟု မြန်မာအမျိုးသားလေကြောင်းလိုင်း၏ ထိပ်တန်းအရာရှိကြီးတစ်ဦး ရန်ကုန်ခေတ်သစ်သတင်းဌာနထံသို့ အတည်ပြု ပြောဆိုသည်။ သို့ရာတွင် မဲဆောက်-ရန်ကုန် ပျံသန်းမည့် အကြောင်းအရာကို ထုတ်ဖော်ပြောဆိုခြင်းမပြုပေ။

MNA မြန်မာအမျိုးသားလေကြောင်းလိုင်း၏ ခရီးသည် ရာချီဆန့်သော လေယာဉ်ကြီးများက မဲဆောက်အပြည်ပြည်ဆိုင်ရာ လေဆိပ်သို့ ဧပြီလ ၈ ရက်နေ့မှ ဧပြီလ ၁၀ ရက်နေ့ အထိ အသွားအပြန် ၃ ရက်တိတိ ခရီးစဉ်များကို ပျံသန်းမည်ဖြစ်ပြီး ယင်းသို့ အရေးပေါ် ပျံသန်းရန်အတွက် ထိုင်းနိုင်ငံနှင့် မြန်မာစစ်ကောင်စီတို့အကြား အပြန် အလှန် အရေးပေါ် ညှိနှိုင်းမှုများ ဆောင်ရွက်ပြီးစီးခဲ့ကြောင်း၊ ထို့ကြောင့် MNA လေယာဉ်များ ပျံသန်းရေး၊ လေယာဉ် ဝန်ထမ်းများ ရွေးချယ်ရေးများ ကြိုတင်ဆောင်ရွက်ထားပြီးဖြစ်ကြောင်း ၎င်းကပြောဆိုသည်။

နေပြည်တော်စစ်ဘက်သတင်းရင်းမြစ်ကမူ မဲဆောက်-ရန်ကုန် လေယာဉ်ပျံသန်းမှုသည် ပိတ်မိနေသည့် စစ်ကောင်စီဝန်ထမ်းများကို ပြန်လည် ခေါ်ယူရေးဟု သာ သိရှိထားပြီး နှစ်ဖက်ညှိနှိုင်းမှုများအရ အစီအစဉ်များ အပြောင်းအလဲ ရှိနိုင်ကြောင်း၊ စစ်ကောင်စီနှင့် ထိုင်းအစိုးရအကြား အရေးပေါ် ညှိနှိုင်းရေး လမ်းကြောင်း ဖွင့်လှစ်ထားရကြောင်း ပြောဆိုသည်။

The post Breaking News- ထိုင်းနိုင်ငံနှင့် စစ်ကောင်စီတို့၏ ညှိနှိုင်းမှုအရ ရန်ကုန်-မဲဆောက်သို့ MNA လေယာဉ်များ ၃ ရက်တိတိ အရေးပေါ် ပျံသန်းမည်ဖြစ်ပြီး အကြမ်းဖျဉ်း ဧပြီ ၈ ရက်နေ့မှ ဧပြီ ၁၀ ရက်နေ့ အထိ သတ်မှတ်ထား appeared first on Khit Thit Media.

ရန်ကုန်၊ ဧပြီ ၆

ကရင်ပြည်နယ်၊ မြ၀တီမြို့နယ်တွင် ယနေ့ နံနက်ပိုင်း မိုဘိုင်းလ် တယ်လီဖုန်းဆက်သွယ်ရေးလိုင်းများ အားလုံး ပြတ်တောက်နေကြောင်း စစ်ရေးသတင်းရင်းမြစ်နှင့် မြ၀တီဒေသမှ ပြည်သူများက ပြောဆိုသည်။

“စစ်တပ်က ဖုန်းလိုင်းအားလုံးကို ဖြတ်ချလိုက်တာထင်တယ်။ မြန်မာ Sim Card တွေ အားလုံး သုံးမရတော့ဘူး။ အင်တာနက်လည်း မရတော့ဘူး။ အခုထိုင်းကတ်တွေ သုံးနေရတယ်။ သင်္ဃန်းညီနောင်ဘက်မှာ လေယာဉ်နဲ့ဗုံးကျဲနေတဲ့ ဗုံးသံတွေလည်းကြားနေရတယ်။ အခြေ အနေကတော့ ဘာထူးနေလဲမသိဘူး” ဟု မြ၀တီဒေသမှ စစ်ရေးသတင်းရင်းမြစ်က ပြောဆိုသည်။

ယမန်နေ့ သင်္ကန်းညီနောင် စစ်ဗျူဟာစခန်းနှင့် ခမရ ၃၅၇ တပ်ရင်းတို့ကို တော်လှန်ရေးတပ်များက သိမ်းပိုက်ပြီးနောက် မြ၀တီမြို့တွင် ရဲစခန်းနှင့် ခလရ ၂၇၅ တပ်တို့သာ ကျန်ရစ်တော့ကြောင်း သိရှိရသည်။

The post Breaking News- မြ၀တီမြို့နယ်ရှိ တယ်လီဖုန်း ဆက်သွယ်ရေးလိုင်းများအားလုံး ပြတ်တောက် appeared first on Khit Thit Media.