ရန်ကုန်၊ ဇန်နဝါရီ ၁၇
စစ်ကိုင်းတိုင်း၊ မုံရွာမြို့နယ်၊ လယ်ဇင်ကျေးရွာကို အကြမ်းဖက် စစ်ကောင်စီ တပ်ဖွဲ့များက ယနေ့ ဇန်နဝါရီလ ၁၇ရက်နေ့ ညနေ ၅နာရီခန့် ကျေးရွာအတွင်းသို့ လက်နက်ကြီးများဖြင့် ပစ်ခတ်ကာ ဝင်ရောက်စီးနင်း မီးရှို့ဖျက်ဆီးလျက်ရှိကြောင်း မုံရွာ_အမြင့်လမ်းသတင်းမှန်ပြန်ကြားရေးအဖွဲ့က တာဝန်ရှိသူ တစ်ဦးက ရန်ကုန်ခေတ်သစ် မီဒီယာကို ပြောဆိုသည်။
“စစ်ကောင်စီတပ်က ကျေးရွာထဲကို လက်နက်ကြီးနဲ့ပါ ပစ်ပြီး ရွာကိုဝင်စီး မီးရှို့နေတယ် ပြည်သူတွေကတော့ အကုန်လုံး ပြေးနေရပြီ ရွာလုံးကျွတ်ပြေးနေရတာ ပြည်သူတွေ ထိခိုက်သေဆုံးမှု အခြေအနေမသိရသေးဘူး” ဟု ဒေသခံ ပြည်သူ တစ်ဦးကပြောဆိုသည်။
