ရန်ကုန်၊ ဇန်နဝါရီ ၂၉
ပြည်သူများ၏ ဘဏ်အကောင့်များကို အကြမ်းဖက်စစ်ကောင်စီအလိုကျ ပိတ်ပင်ပြီး စစ်တပ်ကို ထောက်ခံ အားပေးလျက်ရှိသည့် စစ်ကိုင်းတိုင်း၊ မြင်းမူမြို့ နယ် KBZ ဘဏ်ခွဲကို အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) က ဇန်နဝါရီလ ၂၉ ရက်နေ့ နံနက် ၅ နာရီတွင် မိုင်းဖောက်ခွဲတိုက်ခိုက်ကြောင်း အဆိုပါအဖွဲ့ထံမှ သိရှိရသည်။KBZ ဘဏ်သည် စစ်ခေါင်းဆောင် သန်းရွှေလက်ထက် စတင်ပေါ်ပေါက်လာခဲ့ပြီး ဒုစစ်ခေါင်းဆောင် မောင်အေး၏ လူယုံစီးပွားဖက် ဦးအောင်ကိုဝင်း လက်လွှဲပြောင်းယူ သိမ်းပိုက်ခဲ့သောဘဏ်ဖြစ်သည်။ လက်ရှိ အကြမ်းဖက်စစ်ကောင်စီ ခေါင်းဆောင် မင်းအောင်လှိုင်လက်ထက်တွင် စစ်တပ်အလိုကျ ပြည်သူများ၏ KBZ ဘဏ်အကောင့်များကို ပိတ်ပင်ခြင်း၊ K pay များကို ပိတ်ပစ်ခြင်းများ တောက်လျှောက်ဆိုသလို လုပ်ဆောင်လျက်ရှိသည်။
