ရန်ကုန်၊ ဇန်နဝါရီ ၂၉
စစ်ကိုင်းတိုင်း ကောလင်းခရိုင် ကောလင်းမြို့တွင် ယနေ့ ဇန်နဝါရီလ ၂၉ ရက်နေ့ နံနက် ၁ဝခန့်က ကောလင်းအနောင်ဘက်သို့လာသည့် အကြမ်းဖက် စစ်ကောင်စီ စစ်ကြောင်းကို The Secret Warrior Kawlin တပ်ဖွဲ့က မိုင်းဆွဲ တိုက်ခိုက်ခဲ့ရာ စစ်သား ၁ဝဦးထက်မနည်း သေဆုံးခဲ့ကြောင်း အဆိုပါ တပ်ဖွဲ့ထံမှ သိရသည်။
အဆိုပါ အကြမ်းဖက် စစ်ကောင်စီ စစ်ကြောင်း အင်အား ၆ဝခန့်ပါဝင်ပြီး The Secret Warrior Kawlin ဒေသခံ ကာကွယ်ရေး တပ်ဖွဲ့က နံနက် ၁ဝနာရီ ၃ဝမိနစ်ခန့်တွင် မိုင်းဆွဲ တိုက်ခိုက်ခဲ့ခြင်းကြောင့် စစ်သား ၁ဝဦးထက်မနည်း သေဆုံးခဲ့သည့်အပြင် ထိခိုက် ဒဏ်ရာရရှိသူများလည်း ရှိကြောင်း သိရသည်။
